آسٹریلوی مڈل آرڈر بلے باز اسٹیو اسمتھ7 رنز کی کمی سے اہم اعزاز سے محروم رہ گئے۔

تفصیلات کے مطابق اسٹیو اسمتھ کراچی ٹیسٹ کی پہلی اور اپنی مجموعی طور پر 150ویں ٹیسٹ اننگ میں 59 رنز بناکر آؤٹ ہوئے تو وہ 8 ہزار رنز سے محض 7 رنز کی دوری پر ہیں۔

اگر اسمتھ اپنی اگلی اننگ میں یہ 7 رنز بنالیتے ہیں تو وہ ٹیسٹ کرکٹ میں  تیز ترین 8 ہزار رنز بنانے والے بلے باز بن جائیں گے۔

یہ بھی پڑھیں: اسٹیو اسمتھ بگی کیم سے ناخوش

ٹیسٹ کرکٹ میں تیز ترین 8 ہزار رنز بنانے کا اعزاز سابق سری لنکن کپتان کمار سنگاکارا کے پاس ہے جنہوں نے 152 اننگز میں یہ کارنامہ انجام دیا۔

ٹیسٹ کرکٹ میں تیز ترین9 ہزار، 10 ہزار، 11 ہزار اور 12 ہزار رنز بنانے کا اعزاز بھی کمار سنگاکارا کے ہی پاس ہے۔

https://twitter.com/daniel86cricket/status/1505897897765785604

یاد رہے کہ لاہور کے قذافی اسٹیڈیم میں پاکستان اور آسٹریلیا کے مابین تین ٹیسٹ میچز کی سیریز  کے آخری میچ کا آغاز آج سے ہوا ہے جس میں اسٹیو اسمتھ نے بگی کیم کی دوران کھیل حرکت پر ناراضگی کا اظہار کیا تھا ۔