آسٹریلوی کھلاڑی اسٹیو اسمتھ پاکستانی کھانوں کے ذائقوں کے دیوانے ہوگئے ہیں۔

سوشل میڈیا کی تصویر و ویڈیو شیئرنگ ایپ انسٹاگرام اسٹوری پر آسٹریلوی کھلاڑی اور ٹیسٹ اسکواڈ کے نائب کپتان اسٹیو اسمتھ نے پاکستانی کھاںوں کی ایک ویڈیو شیئر کی ہے۔

اس ویڈیو کو شیئر کرتے ہوئے انہوں نے کیپشن میں لکھا تھا کہ ’ٹیم باربی کیو‘ جبکہ یہ ویڈیو اسلام آباد کے ہوٹل میں لی گئی تھی۔

https://twitter.com/Aaatiiii/status/1498302448271822850?ref_src=twsrc%5Etfw%7Ctwcamp%5Etweetembed%7Ctwterm%5E1498302448271822850%7Ctwgr%5E%7Ctwcon%5Es1_&ref_url=https%3A%2F%2Fjang.com.pk%2Fnews%2F1056847

اس سے قبل آن لائن پریس کانفرنس کرتے ہوئے اسٹیو اسمتھ کا کہنا تھا کہ ہماری آمد کے بعد سے پاکستان کی مہمان نوازی ناقابل یقین رہی ہے۔

انہوں نے کہا تھا کہ انہیں پاکستانی باربی کیو کافی پسند ہے جبکہ انہوں نے ڈنر میں باربی کیو کے ٹیسٹ سے خوب لطف اٹھایا تھا۔

انہوں نے مزید کہا تھا کہ پاکستان میں ہمیں ہر قسم کے باربی کیو کے ساتھ ڈنر پیش کیا گیا جو واقعتاً بہت لذید اور ذائقہ دار تھا۔

واضح رہے کہ آسٹریلوی کرکٹ ٹیم ان دنوں دورہ پاکستان میں موجود ہے جبکہ دونوں ٹیموں کے درمیان ٹیسٹ سیریز کا آغاز 4 مارچ سے ہونے جارہا ہے۔

میچ سے قبل دونوں ٹیموں نے آج جم کر راولپنڈی اسٹیڈٰیم میں پریکٹس کی جبکہ دورہ پاکستان میں 3 ٹیسٹ ، 3 ون ڈے اور ایک ٹی ٹوئنٹی انٹرنیشنل شیڈول ہے۔