بالی ووڈ میں بائیو پکس پر فلم بنانے والے پرڈیوسر نے آئی پی ایل کے کار فرما للت مودی پر فلم بنانے کا فیصلہ کیا ہے۔

بالی ووڈ میں اس وقت بائیو پکس کا ٹرینڈ عروج پر ہے جس میں کئی مشہور شخصیات پر فلمیں بنائی جاچکی ہیں جبکہ حال ہی میں انڈین کرکٹر کپل دیو پر بھی فلم بنائی گئی ہے۔

کپل دیو کی اس فلم میں 1983 میں بھارت کے جیتنے والے ورلڈ کپ کی کہانی کو دکھایا گیا ہے جس کو دیکھنے والوں نے خوب پسند بھی کیا جبکہ اس فلم میں کپل دیو کا مرکزی کرداربھارت کے مشہور اداکار رنویر سنگھ نے ادا کیا تھا۔

فلم 83 اور تھلائیوی جیسی بائیو پک فلمیں بنانے والے پرڈٰیوسر وشنو وردھن اندوری نے اب للت مودی پر فلم بنانے کا فیصلہ کیا ہے جو آئی پی ایل کے کارفرما ہیں۔

Winning the 83 World Cup was the tip of the iceberg. The book "Maverick Commissioner" by sports journalist @BoriaMajumdar is a fascinating account of the IPL and the Man behind it Lalit Modi. Elated to announce that we are adapting this book into a feature film. @SimonSchusterIN pic.twitter.com/tLEGGCkkxn

— Vishnu Vardhan Induri (@vishinduri) April 18, 2022

للت مودی پر بننے والی فلم کتاب ماورک کمشنر پر مبنی ہوگی جس میں آئی پی ایل کے رازوں سے پردہ اٹھایا جائے گا۔

واضح رہے کہ کتاب ماورک کمشنر بھارت کے مشہور اسپورٹس جرنلسٹ بوریا مزو مدار نے تحریر کی ہے جس میں آئی پی ایل کی شخصیت اور اس کے پیچھے کارفرما للت مودی کی شخصیت کو ظایر کیا گیا ہے۔

وشنو وردھن کا ایک انٹرویو میں کہنا تھا کہ آئی پی ایل نے کرکٹ کی دنیا کو ہمیشہ کے لیے بدل دیا ہے، اس کتاب میں آئی پی ایل کےبارے میں بہت کچھ بیان کیا گیا ہے اور اس شخص کے بارے میں بھی جس نے آئی پی ایل کی بنیاد رکھی ہے۔

یاد رہے کہ للت مودی پر منی لانڈرنگ کا مقدمہ چل رہا ہے جس پر ان کا کہنا ہے کہ انہوں نے کوئی غلط کام نہیں کیا تاہم 2010 میں وہ بھارت سے لندن چلے گئے تھے۔