سری لنکا میں معاشی بحران کے بعد سیاسی بحران شدت اختیار کرگیا ہے جس کے بعد ایشیاء کپ 2022 کسی اور ملک منتقل کرنے پر غور کیا جارہا ہے۔

ذرائع ایشین کرکٹ کونسل کے مطابق  ایشیاء کپ 2022 سری لنکا سے کسی اور ملک منتقل کیے جانے کا امکان ہے۔

ذرائع کا کہنا ہے کہ ایشیاء کپ کی  منتقلی کے حوالے سے انٹرنیشنل کرکٹ کونسل (آئی سی سی) اجلاس میں بحث کی جائے گی۔

واضح رہے کہ ہر دو برس بعد ہونےو الے ایشیاء کپ  کا آخری ایونٹ 2018 میں ون ڈے فارمیٹ کھیلا گیا تھا۔

ایشیاء کپ 2020 کو کورونا کے باعث جون 2021  تک ملتوی کردیا گیا تھا جو پاکستان کی میزبانی میں کھیلا جانا تھاتاہم بعد ازاں کورونا کے باعث اسے ایک بار پھر ملتوی کردیا گیا۔

ایشیاء کپ 2022 اب 27 اگست سے 11 ستمبر  تک سری لنکا میں شیڈول ہے، پاکستان کو ایشیا ء کپ 2023 کی میزبانی دے دی گئی ہے۔