بھارت نے اپنی بیس بال ٹیم پاکستان بھیجنے کا اعلان کردیا۔

تفصیلات کے مطابق بھارت نے ساؤتھ ایشین گیمز 2023کے بیس بال ایونٹ میں شرکت کی تصدیق کر دی ہے۔

 بیس بال سافٹ بال فیڈریشن آف انڈیا نے پاکستان اولمپک ایسوسی ایشن کو خط  لکھا ہے جس میں آئندہ برس ہونے والے گیمز کے بیس بال ایونٹ میں شرکت کی تصدیق کی گئی ہے۔

سیکریٹری انڈین فیڈریشن منوج کوہلی نے خط میں لکھا کہ ساؤتھ ایشین گیمز کی میزبانی کے لیے نیک خواہشات کا اظہار کرتے اور مبارکباد دیتے ہیں۔  ہم سمجھتے ہیں کہ گیمز میں بیس بال کو شامل کیا جائے گا۔

منوج کوہلی نے لکھا کہ ہم بحیثیت فیڈریشن تصدیق کرتے ہیں کہ ہم ایونٹ میں حصہ لیں گے، ہمیں باضابطہ طور پر دعوت نامہ بھیجیں تاکہ ہم ضروری تیاریاں مکمل کر سکیں۔