جرمن فٹبالر میسوت اوزل نے بھارت میں مسلمانوں کے ساتھ ہونے والے انسانی حقوق کی سنگین خلاف ورزیوں پر مودی حکومت کو آڑے ہاتھوں لیا ہے۔

میسوت اوزل نے لیلۃ القدر کی مقدس رات میں سماجی رابطے کی مائیکرو بلاگنگ ویب سائٹ ٹوئٹر پر خصوصی پیغام بھیجا جس میں انہوں نے مودی حکومت کو تنقید کا نشانہ بنایا۔

https://twitter.com/MesutOzil1088/status/1519334869062590473

میسوت اوزل کا اپنی ٹوئٹ میں کہنا تھا کہ لیلۃ القدر کی مقدس رات کے دوران میں بھارت میں اپنے مسلمان بھائیوں اور بہنوں کی سلامتی اوربھلائی کے لیے دعا گو ہوں۔

ان کا کہنا تھا کہ دنیا کی سب سے بڑی نام نہاد جمہوریت کی دعویدار بھارتی حکومت میں انسانی حقوق کے ساتھ کیا ہورہا ہے؟۔

واضح رہے کہ اس سے قبل بھی میسوت اوزل نے رمضان المبارک کے بابرکت مہینے میں عالمی امن کے حوالے سے خصوصی ٹوئٹ کیا تھا۔

https://twitter.com/MesutOzil1088/status/1512346145716158467

اس ٹوئٹ میں ان کا کہنا تھا کہ ’آئیے نہ صرف یوکرین بلکہ فلسطین، عراق، یمن، شام اور دنیا کے دیگر تمام مقامات پر جہاں جہاں لوگ جنگ کا شکار ہیں ان کے لیے دعا کرتے ہیں‘۔