اسلام آباد: انٹر کلب فلڈ لائٹ باسکٹ بال ٹورنامنٹ میں آٹھ میچز کا فیصلہ ہوگیا ہے۔

  سی ڈی اے کے تعاون سے باسکٹ بال کورٹ ایف سکس اسلام آباد میں کھیلے گئی تیسری چیمپئن شپ کے ٹورنامنٹ کے پہلے میچ میں یونائیٹڈ کنگز نے بحریہ ویلوز کو 13-25 سے ہردیا۔

ایونٹ کے دوسرے میچ میں ریپرز نے ڈائنامائٹس کو 39-47 سے، تیسرے میچ میں ریپٹرز ریڈ نے لائیکونز کو 16-27 سے، چوتھے میچ تھنڈرز نے بحریہ ویلوز کو 16-25 سے جبکہ پانچویں میچ میں بلز نے جیگوارز کو 19-55 سے ہرایا۔

علاوہ ازیں چھٹے میچ میں ایس اے جی نے جنرلز کو31-63 سے، ساتویں میچ میں ریپرز نے ریپٹرز ریڈ کو 22-28 سے اور آٹھویں میچ میں ٹمبرز نے راولپنڈی چیمپئنز کو 22-50 سے ہرا دیا۔

واضح رہے کہ گذشتہ روز کھیلے گئے 4 میچز میں ڈائنامائٹس نے لائیکونز کو 16-58 سے جبکہ دوسرے میچ میں ٹائمبر ویلوز نے جیگوارز کو 32-51 سے شکست دی تھی۔

تیسرے میچ میں ریپٹرز وائٹ نے تھنڈرز کو 33-37 سے اور چوتھے میچ میں جنرلز نے ڈیمینٹیرز کو 9-51 سے ہرایا تھا جبکہ گذشتہ روز دو میچز بارش کے باعث ملتوی کردیے گئے تھے۔

خیال رہے کہ یہ ٹورنامنٹ پانچ روز تک جاری رہے گا جبکہ ٹورنامنٹ کے اختتام پر کامیابی حاصل کرنے والے کھلاڑیوں میں انعامات بھی تقسیم کیے جائیں گے۔