انٹر کلب فلڈ لائٹ باسکٹ بال ٹورنامنٹ کے دوسرے روز چار میچوں کا فیصلہ ہوگیا ہے۔

انٹر کلب فلڈ لائٹ باسکٹ بال ٹورنامنٹ کے دوسرے روز چار میچوں کا فیصلہ ہوگیا ہے جبکہ دو میچز بارش کے باعث نہیں کھیلے جا سکے ہیں۔

سی ڈی اے کے تعاون سے  باسکٹ بال کورٹ ایف سکس، اسلام آباد میں جاری ٹورنامنٹ کھیلے گئے پہلے میچ میں ڈائنامائٹس نے لائیکونز کو 16-58 سے ہرادیا۔

دوسرے میچ میں ٹائمبر ویلوز نے جیگوارز کو 32-51 سے شکست دی، تیسرے میچ میں ریپٹرز وائٹ نے تھنڈرز کو 33-37 سے اور چوتھے میچ میں جنرلز نے ڈیمینٹیرز کو 9-51 سے ہرادیا۔

علاوہ ازیں دو میچز بارش کے باعث ملتوی کردیے گئے ہیں۔

واضح رہے کہ ٹورنامنٹ میں سولہ ٹیمیں حصہ لے رہی ہیں جن کو چار گروپوں میں تقسیم کیا گیا ہے اور ہر گروپ سے دو دو ٹیمیں اگلے راؤنڈ کےلئے کوالیفائی کریں گی۔