تازہ ترین اعداد وشمار کے مطابق آئی پی ایل سیزن 15 کے پہلے ہفتے میں ناظرین کی تعداد میں 33 فیصد بڑی کمی ریکارڈ کی گئی ہے۔

غیر ملکی خبر رساں ادارے کی رپورٹ کے مطابق براڈکاسٹ آڈینس ریسرچ کونسل (بارک) نے انڈین پریمئر لیگ (آئی پی ایل) سیزن 15 کے تازہ ترین اعداد و شمار جاری کیے ہیں۔

بارک کے مطابق آئی پی ایل سیزن 15 کے پہلے ہفتے میں ناظرین کی تعداد میں 33 فیصد کی زبردست کمی ریکارڈ کی گئی ہے جبکہ مجموعی طور پر ناظرین کی رسائی بھی 14 فیصد کم ہوکر 229.06 ملین رہ گئی ہے، گذشہ سال 267.7 ملین تھی۔

آئی پی ایل کے رواں سیزن کے پہلے آٹھ میچز کا ٹی وی آر 2.52 رہا ہے جبکہ گذشتہ سیزن میں یہ 3.75 ریکارڈ کیا گیا تھا، یہ نمبرز 26 مارچ سے یکم اپریل کے دوران کے ریکارڈ کیے گئے ہیں۔

رپورٹ کے مطابق آئی پی ایل میچز کے لائیو کوریج کرنے والے دو چینلز اسٹار اسپورٹس ون اور اسٹار اسپورٹس ون (ہندی) کی رینکنگ میں بھی کمی واقع ہوئی ہے۔

اسٹار اسپورٹس ون (ہندی) بارک کی رینکنگ میں تیسرے نمبر پر آگیا ہے جو کہ رواں سیزن میں آئی پی ایل کے ناظرین کی تعداد میں کمی کی نشاندہی کرتا ہے۔