پاکستان کرکٹ ٹیم کے فاسٹ بولر محمد عامر کا رمیز راجہ کے جانے کے بعد بین الاقوامی کرکٹ میں واپسی کا امکان ہے۔

نجی خبر رساں ادارے نے دعوی کیا ہے کہ اگر چیئرمین پی سی بی رمیز راجہ اپنے عہدے سے مستعفی ہوتے ہیں تو پاکستانی فاسٹ بولر محمد عامر بین الاقوامی کرکٹ سے ریٹائرمنٹ کا فیصلہ واپس لے سکتے ہیں۔

واضح رہے کہ چیئرمین پی سی بی رمیز راجہ ماضی میں میچ فکسرز کی شدید مخالفت کرتے ہیں جبکہ پاکستان میں عمران خان کی حکومت کی تبدیلی کے بعد پی سی بی میں بھی تبدیلیوں کی بازگشت سنائی دینے لگی ہے۔

رپورٹس کے مطابق رمیز راجہ نے بھی عہدے سے الگ ہونے کا ذہن بنالیا ہے جس کے لیے انہوں نے اپنے قریبی دوستوں سے مشاورت مکمل کرلی ہے۔

رپورٹس ہیں کہ چیئرمین پی سی بی آئی سی سی کے اجلاس میں شرکت کے بعد عہدے سے علیحدگی کا اعلان کرسکتے ہیں جبکہ اگلے ہفتے سے پی سی بی میں اعلی سطح پر بڑی تبدیلیوں کا قوی امکان ہے۔

علاوہ ازیں رمیز راجہ کے دور میں لگائے گئے افراد کا مستقبل بھی روشن نظر نہیں آرہا ہے۔