ایشیا ہاکی کپ میں جاپان نے پاکستان کو 2-3 سے شکست دے دی۔

انڈونیشیا کے شہر جکارتہ میں جاری ایشیا ہاکی کپ کے اہم مقابلے میں جاپان نے دلچسپ مقابلے کے بعد پاکستان کو  2 کے مقابلے میں 3 گول سے شکست دے دی۔

کھیل کی قابل ذکر بات  پاکستان کے 12 کھلاڑی میدان میں ہونے کے سبب ایک گول کا منسوخ ہونا ہے۔

ریفری کے مطابق پاکستان کی جانب سے گول اسکور ہوا تو اس وقت 12 پاکستانی کھلاڑی میدان میں موجود تھے جس کے باعث قومی کپتان کو یلو کارڈ دکھاکر کچھ دیر کے لیے میدان بدر کردیاتھا۔

تاہم واضح رہے کہ پاکستان کے 12 کھلاڑی میدان میں ہونے کا کوئی ویڈیو ثبوت موجود نہیں تھا۔

خیال رہے کہ ایشیا ہاکی کپ میں پاکستان کے سپر فور میں کوالیفائی کرنے کا انحصار بھارت اور انڈونیشیا کے میچ پر ہے، جس میں بھارت کو انڈونیشیا کو 16 گول کے مارجن سے ہرانا ہوگا۔