پی سی بی نے شائقین کو پاکستان کرکٹ ٹیم کی نئی کٹ ڈیزائن کرنے کی پیشکش کردی ہے۔

پاکستان کرکٹ بورڈ (پی سی بی) نے شائقین کرکٹ کو اپنی فنکارانہ صلاحیتوں کا مظاہرہ کرتے ہوئے قومی ٹیم کی اگلی کٹ ڈیزائن کرنے کا موقع فراہم کیا ہے۔

📢 Calling all creative minds 📢

Submit your kit designs for the year 2022-2023 for all formats, which reflect the essence of Pakistani identity 🇵🇰 🤩

Advertisement

The deadline for submission is 25th May 2022.

Read more details here ➡️ https://www.bolnews.com/urdu/sports/2022/05/308139/amp/ pic.twitter.com/Yhn05amgEF

— Pakistan Cricket (@TheRealPCB) May 17, 2022

مقابلے کا اعلان پی سی بی کی جانب سے کیا گیا ہے جو 25 مئی کو اختتام پذیر ہوگا جبکہ یہ فیصلہ پی سی بی نے شائقین کرکٹ کے ساتھ خود کو مشغول رکھنے کے لیے کیا ہے۔

بورڈ کا اپنی پریس ریلیز میں کہنا تھا کہ ہر تجویز میں زیادہ سے زیادہ دو تھیمز شامل کی جاسکتی ہیں جس میں تمام فارمیٹس کے لیے ڈیزائن کردہ کٹ کا ایک سیٹ جمع کیا جانا چاہیے۔

پی سی بی نے مذکورہ اعلان کے ساتھ ہی رہنمائی پوائنٹس پر مبنی تمام دستاویزات بھی شیئر کردیے ہیں۔

کلیش کٹ کے لیے ڈیزائن ہوم کٹ کے روایتی رنگوں کے ساتھ ہی ایک اہم رنگ سے بنایا جاسکتا ہے جبکہ تخلیقی تھیم یا کٹ کے ڈیزائن کے عناصر پاکستانی تاریخ، ثقافت، کلیدی اقدار، فنی اقدار یا دیگر پہلوؤں کی عکاسی کرسکتے ہیں تاہم ڈیزائن کے پیچھے پاکستانی شناخت اور وژن کا واضح ہونا ضروری ہے۔

ڈیزائن کے حوالے سے پی سی بی کی ہدایات

کچھ اضافی چیزیں ایسی ہیں جن کو ڈیزائنرز کو مدنظر رکھنا ضروری ہے۔

تمام ڈیزائنز واٹر مارک پی ڈی ایف پریزنٹیشن کی شکل میں پیش کیا جانا چاہیے۔

پہلے مرحلے میں فنکار صرف ٹی ٹوئنٹی، ون ڈے، ٹیسٹ اور کلیش کٹ کے ڈیزائن ڈیجیٹل فارمیٹ میں جمع کروائیں گے جس میں تصور اور عناصر کی تحریری وضاحت ضروری ہے۔

بقیہ ڈیزائن جیسے فین ویئر، ٹریلونگ اور گائیڈ بک کے ڈیزائن اس وقت جمع کروائیں جائیں گے جب کمپنی اگلے مرحلے میں کوالیفائی کرلیتی ہے۔

مالی تجاویز اور فیز 2 کے لیے صرف منتخب لوگوں سے ہی رابطہ کیا جائے گا۔