بھارت کے سابق بلے باز محمد کیف کا کہنا ہے کہ ورلڈ کپ 2003 میں پاک بھارت میچ کے دوران سچن ٹنڈولکر کا کیچ ڈراپ ہونے کی وجہ سے میچ کا پانسہ پلٹ گیا تھا۔

کھیلوں کے خبر رساں ادارے کے مطابق بھارت کے سابق بلے باز محمد کیف کا کہنا ہے کہ اگر ورلڈ کپ 2003 کے پاک بھارت میچ میں عبدالرزاق سچن ٹنڈولکر کا کیچ پکڑ لیتے تو پاکستان میچ جیت جاتا۔

ان کا کہنا تھا کہ اس وقت پاکستان کے پاس سچن ٹنڈولکر کو آؤٹ کرنے کا بہترین موقع تھا لیکن عبدالرزاق مڈ آف پر گیند کو نہیں پکڑ سکے جس کی سے وجہ وسیم اکرم بھی غصہ تھے۔

انہوں نے کہا کہ عبدالرزاق بولرر کے بہت قریب تھے اور اگر اس وقت وہ کیچ پکڑ لیتے تو میچ کا پانسہ پلٹ جاتا کیونکہ سچن اچھی بلے بازی کررہے تھے۔

محمد کیف کہتے ہیں میچ میں میرا کردار ان کا ساتھ دینا تھا کیونکہ مجھے ڈریسنگ روم سے ہدایت ملی تھیں کہ اس وقت سچن اچھی فارم میں ہیں لہذا انہیں اٹیکنگ کرکٹ کھیلنے دیں۔

واضح رہے کہ اس میچ میں سچن ٹنڈولکر اور محمد نے 103 رنز کی اچھی شراک قائم کرکے میچ کو بھارت کے حق میں موڑ دیا تھا جبکہ اس میچ میں محمد کیف نے 60 گیندوں پر 35 رنز اسکور کیے تھے۔

یاد رہے کہ ورلڈ کپ 2003 کے فائنل میں آسٹریلیا نے بھارت کو شکست دے کر ٹائٹل اپنے نام کرلیا تھا۔