ورلڈ بیج رسلنگ سیریز میں پاکستانی ریسلر انعام بٹ نے سیمی فائنل تک رسائی حاصل کرلی ہے۔

پاکستانی ریسلر انعام بٹ نے ورلڈ بیج رسلنگ سیریز کے کوارٹر فائنل مقابلوں میں ترکی کے حاجی عبداللہ کو شکست دے کر سیمی فائنل تک رسائی حاصل کی ہے۔

سیمی فائنل مقابلے پاکستانی وقت کے مطابق شام چھ بجے کھیلے جائیں گے جبکہ فائنل بھی آج رات ہی کھیلا جائے گا۔

واضح رہے کہ اس سے قبل انعام بٹ نے ایونٹ میں ترکی اور جارجیا کے پہلوانوں کو شکست دے کر کوالیفائی مراحلے تک رسائی حاصل کی تھی۔

انہوں نے ترکی میں جاری ورلڈ بیچ سیریز کے پہلے میچ میں ترکی کے پہلوان کو 2-0 سے شکست دی تھی جبکہ دوسرے میچ میں انعام بٹ نے جارجیا کے پہلوان کو 1-0 سے چت کرکے کوارٹر فائنل میں جگہ بنائی تھی۔