پاکستانی نژاد آسٹریلوی کرکٹر عثمان خواجہ نے اپنی نومولود بیٹی کی تصویر شیئر کردی۔

سماجی رابطے کی ویب سائٹ ٹوئیٹر پر عثمان خواجہ نے 28 اپریل کو پیدا ہونے والی اپنی نومولود بیٹی ’عائلہ فوزیہ مشیل خواجہ‘ کی تصویر شیئر کی۔

عثمان خواجہ نے بتایا کہ ان کی نومولود بیٹی کا وزن 3.25 کلوگرام ہے اور اس کی والدہ(عثمان خواجہ کی اہلیہ)  ماشاءاللہ ہمیشہ کی طرح بلکل ٹھیک ہیں۔

https://twitter.com/Uz_Khawaja/status/1521049262775484416

انہوں نے اپنی بیٹی کے لیے دعائیہ انداز میں لکھا کہ انشاءاللہ تم ایک مضبوط، خود مختار اور محبت کرنے والی مسلمان عورت بنو۔

عثمان خواجہ نے مزید کہا کہ میں جانتا ہوں کہ میں یہ سب یقینی بنانے کی پوری کوشش کروں گا ۔

واضح رہے کہ یہ عثمان خواجہ  کی دوسری بیٹی ہے۔ ان کی پہلی بیٹی عائشہ کی پیدائش21 جولائی 2021 میں ہوئی تھی۔