ملتان: شدید گرمی کے باعث پاکستان اور ویسٹ انڈیز کی ٹیموں کا پریکٹس سیشن منسوخ کردیا گیا ہے۔

پاکستان اور ویسٹ انڈیز کی ٹیموں کے درمیان ون ڈے سیریز جاری ہے جس کا پہلا میچ گذشتہ روز ملتان کرکٹ اسٹیڈیم میں کھیلا گیا جس دوران بھی شدید گرم موسم تھا

دونوں ٹیموں کے درمیان سیریز کا دوسرا میچ کل کھیلا جانا ہے جس سے قبل دونوں ٹیموں کا آج ہونے والا پریکٹس سیشن ملتان شہر میں شدید گرمی کے باعث منسوخ کردیا گیا ہے۔

واضح رہے کہ گذشتہ روز کھیلے گئے پہلے میچ میں پاکستان نے ویسٹ انڈیز کو سنسنی خیز مقابلے کے بعد 5 وکٹوں سے شکست دے دی تھی جبکہ مرد میدان بابر اعظم کو ٹھہرایا گیا تھا۔

اس میچ کے دوران ملتان شہر میں 44 ڈگری کی شدید گرمی تھی جس کی وجہ سے امپائر علیم ڈار کی حالت اچانک پاکستان کی اننگ کے 19 ویں اوور میں خراب ہوگئی تھی۔

علیم ڈار کو قے ہونے کی وجہ سے میدان چھوڑنا پڑا تھا جس کے بعد ان کی جگہ امپائر فیصل خان نے ان کے فرائض سر انجام دیے تھے جبکہ شدید گرمی کے باوجود بھی شائقین کرکٹ نے میچ کو خواب انجوائے کیا تھا۔