لارڈز ٹیسٹ میں بولرز کا راج برقرار ہے، انگلینڈ ٹیم پہلی اننگز میں 141 رنز پر ڈھیر ہوگئی۔

تفصیلات کے مطابق انگلینڈ ٹیم نے 116 رنز 7 کھلاڑی آؤٹ پر دوسرے دن کھیل کا آغاز کیا تو گزشتہ روز کے اسکور میں صرف  25 رنز کا اضافہ ہی کرسکی۔

انگلینڈ کی جانب سے زیک کرولی 43، ایلکس لیس 25 اور جو روٹ 11 رنز بناسکے۔ ان کے علاوہ کوئی کھلاڑی ڈبل فیگرز میں داخل نہ ہوسکا۔

اسٹورٹ براڈ 9، میٹ پارکنسن8، اولی پوپ اور بین فوکس 7،7، جونی بیئر اسٹو اور کپتان بین اسٹوکس ایک ایک جبکہ میتھیو پوٹس بغیر کوئی رن بنائے آؤٹ ہوئے۔جیمز اینڈرسن 7 رنز بناکر ناٹ آؤٹ رہے۔

نیوزی لینڈ کی جانب سے ٹم ساؤتھی نے 4، ٹرینٹ بولٹ نے 3 کائل جیمیسن نے 2 اور کولن ڈی گرینڈہوم نے ایک وکٹ حاصل کی۔

https://twitter.com/ICC/status/1532673181626007553

اس سے قبل  جیمز اینڈرسن اور ڈیبیوٹینٹ میتھیو پوٹس کی تباہ کن بولنگ کے سبب نیوزی لینڈ ٹیم پہلی اننگز میں 132 رنز پر ڈھیر ہوگئی تھی۔

 نیوزی لینڈ نے ٹاس جیت کر پہلے بیٹنگ کا فیصلہ کیا  تھا جو ابتدا سے ہی غلط ثابت ہوا تھا اور صرف 45 کے مجموعی اسکور پر 7 کھلاڑی پویلین واپس لوٹ گئے تھے۔

آٹھویں وکٹ کے لیے کولن ڈی گرینڈ ہوم اور ٹم ساؤتھی کے درمیان 41 رنز کی پارٹنرشپ قائم ہوئی تاہم اسے کے بعد کوئی کھلاڑی کریز پر زیادہ دیر نہ رک سکا تھا۔

نیوزی لینڈ کی جانب سے کولن ڈی گرینڈ ہوم 42 رنز بناکر ناقابل شکست رہےتھے۔ٹم ساؤتھی 26، ٹام بلنڈیل اور ٹرینٹ بولٹ 14،14 اور ڈیرل مچل 13رنز بناکر نمایاں رہے تھے۔

اعجاز پٹیل 7، کائل جیمیسن 6، ڈیوون کونوے 3، کپتان کین ولیمسن 2 جبکہ ٹام لیتھم اور ول ینگ ایک ایک رنز بناسکے تھے۔

انگلینڈ کی جانب سے جیمز اینڈرسن اور ڈیبیوٹینٹ میتھیو پوٹس نے 4،4 جبکہ کپتان بین اسٹوکس اور اسٹورٹ براڈ نے ایک ایک وکٹ حاصل کی تھی۔