نیمار جونیئر نے پیرس سینٹ جرمین کلب سے اپنی راہیں جدا کرنے کا عندیہ دے دیا ہے۔

خبر رساں ادارے کے مطابق برازیل سے تعلق رکھنے والے فٹبالر نیمار جونیئر اور پیرس سینٹ جرمین کلب کے درمیان اختلافات پیدا ہوگئے ہیں جس کی وجہ سے وہ کلب سے اپنی راہیں جدا کرنے کا سوچ رہے ہیں۔

رپورٹس کے مطابق نیمار کی کلب چھوڑنے کی اصل وجہ کلب کی جانب سے حوصلہ افزائی نہ کرنا ہے جبکہ اس سیزن میں کلب نیمار کی جگہ کسی دوسرے کھلاڑی کو شامل کرنے کی کوشش کررہا ہے۔

واضح رہے کہ پیرس سینٹ جرمین کلب نے نیمار کو اگست 2017 میں دنیا کے مہنگے ترین فٹبالر کی حیثیت سے 222 ملین یورو میں سائن کیا تھا۔

تاہم 2017 سے اب تک نیمار کلب کو ٹائٹل دلوانے میں ناکام رہے ہیں جبکہ گذشتہ سال انہوں نے کلب کے لیے 28 میچز کھیلے تھے جس میں انہوں نے صرف 13 گولز کیے تھے۔