گال ٹیسٹ میں آسٹریلوی ٹیم نے اپنی پوزیشن مستحکم کرلی۔

آسٹریلیا نے دوسرے روز 98 رنز 3 کھلاڑی آؤٹ پر کھیل  کا آغاز کیا تو صرف 2 رنز کے اضافے سے 100 کے مجموعی اسکور پر اس کی چوتھی وکٹ گرگئی۔

تاہم کیمرون گرین (77) اور عثمان خواجہ (71) نے نصف  سنچریز اسکور کرکے ٹیم کو سنبھالا۔ایلکس کیری نے 45 رنز کی اننگز کھیل کرٹیم کو برتری دلوانے میں اہم کردار ادا کیا۔

اس کے بعد کپتان پیٹ کمنز نے جارحانہ انداز اپناتے ہوئے کھیل کے اختتام تک ٹیم کی برتری کو 101 رنز تک  پہنچادیا۔ وہ 16 گیندوں پر 26 رنز بناکر ناقابل شکست ہیں جبکہ نیتھن لیون 8 رنز بناکر ان کے ہمراہ کریز پر موجود ہیں۔

ڈیوڈ وارنر 25، مارنس لبوشین 13، مچل اسٹارک 10  جبکہ اسٹیو اسمتھ اور ٹریوس ہیڈ 6،6 رنز بناکر آؤٹ ہوئے۔

Australia have taken a very healthy lead 💪

Watch #SLvAUS Test series LIVE on https://www.bolnews.com/urdu/sports/2022/06/730684/amp/ (in select regions) 📺#WTC23 | 📝 Scorecard: https://www.bolnews.com/urdu/sports/2022/06/730684/amp/ pic.twitter.com/NfUQE3YlXs

— ICC (@ICC) June 30, 2022

سری لنکا کی جانب سے رمیش مینڈس نے 4، جیفری وینڈرسے نے 2 اور دھننجیا ڈی سلوا نے ایک وکٹ حاصل کی۔

اس سے قبل  میزبا ن سری لنکا  نے آسٹریلیا کے خلاف ٹاس جیت کر پہلے بیٹنگ کرنے کا فیصلہ کیا  تھا جو ابتدائی 12 اوورز میں درست لگا تھا تاہم 13ویں اوور کی پہلی ہی گیند پر پہلی وکٹ گرنے کے بعد سری لنکن ٹیم سنبھل نہ سکی تھی۔

سری لنکن ٹیم نروشن ڈکویلا (58) کی  نصف سنچری کی مدد سے 212 رنزبناکر آل آؤٹ ہوگئی تھی۔اینجلو میتھیوز 39، کپتان دیموتھ کرونا رتنے 28، پتھم نسانکا 23  اوررمیش مینڈس 22 رنز بناکر دیگر نمایاں بلے باز رہے تھے۔

آسٹریلیا کی جانب سے نیتھن لیون نے 5، مچل سویپسن نے 3 جبکہ مچل اسٹارک اور پیٹ کمنز نے ایک ایک وکٹ حاصل کی تھی۔