ملتان: ویسٹ انڈیز کے کھلاڑی پرتپاک استقبال کرنے پر ملتان کے شکر گزار دکھائی دے رہے ہیں۔

ویسٹ انڈیز کے کھلاڑی الزری جوزف نے سماجی رابطے کی مائیکرو بلاگنگ ویب سائٹ ٹوئٹر پر ٹوئٹ کرتے ہوئے ملتان میں ان کا پرتپاک استقبال کرنے پر شکریہ ادا کیا ہے۔

https://twitter.com/AlzarriiJoseph/status/1533752240208478208

ان کا کہنا تھا کہ ’ہیلو پاکستان، میں آگیا ہوں جبکہ انہوں نے پرتپاک استقبال کرنے پر ملتان کا شکریہ ادا کیا‘۔

اس سے قبل ویسٹ انڈیز کے کھلاڑی رومیریو شیفرڈ کا پاکستان کی تعریف کرتے ہوئے کہنا تھا کہ ’سب سے خوبصورت ملک پاکستان پہنچ گیا، سیریز کے لیے بہت پرجوش ہوں اور نظریں اپنی گول پر ہیں‘۔

https://twitter.com/RShepher16/status/1533684877626953729

واضح رہے کہ پاکستان سے ون ڈے سیریز کھیلنے کے لیے ویسٹ انڈیز کی ٹیم گذشتہ روز اسلام آباد پہنچی تھی جس کے بعد انہیں چارٹر جہاز کے ذریعے ملتان پہنچایا گیا تھا۔

The #MenInMaroon have arrived in Multan for the 3-match ODI series against @TheRealPCB starting on pic.twitter.com/uKFUDWEJkT

— Windies Cricket (@windiescricket) June 6, 2022

بعد ازاں مہمان ٹیم کو سخت سیکیورٹی کے حصار میں ایئرپورٹ سے نجی ہوٹل لایا گیا، جہاں ان کا پی سی بی اور انتظامیہ نے پرتپاک استقبال کیا تھا۔

گذشتہ روز ملتان پہنچ کر ٹیم نے آرام کیا تاہم آج سے وہ اپنی ٹریننگ کا آغاز کریں گے۔

یاد رہے کہ دونوں ٹیموں کے درمیان 3 ون ڈے میچز پر مشتمل سیریز کھیلی جانی ہے جس کا پہلا میچ 8 جون، دوسرا 10 جون اور تیسرا 12 جون کو کھیلا جائے گا۔