بگ بیش لیگ میں بھی پلیئر ڈرافٹ سسٹم متعارف کروا دیا ہے جس کے بعد اب غیر ملکی کھلاڑیوں کا انتخابات ڈرافٹ سسٹم سے ہوگا۔

کرکٹ آسٹریلیا کا کہنا ہے کہ بگ بیش لیگ (بی بی ایل) کے آئندہ سیزن 2022-23 کے لئے اب ایک طریقہ کار کے تحت کھلاڑیوں کو منتخب کیا جائے گا۔

 کرکٹ آسٹریلیا کے مطابق اس سسٹم کے تحت دنیا بھر کے ٹی ٹوئنٹی فارمیٹ میں سرکردہ کھلاڑیوں کو ایک خطیر رقم دی جاسکے گی۔

کھلاڑیوں کی کیٹیگریز پلاٹینیم سے برانز تک ہوں گی جبکہ معاوضوں کے بارے ابھی نہیں بتایا گیا ہے جبکہ ڈرافٹ کی تاریخوں اور پک آرڈر کا اعلان بھی جلد کیا جائے گا اور ٹیموں کو گذشتہ سیزن کے کھلاڑیوں کو ری ٹین کرنے کی بھی سہولت ہوگی۔

واضح رہے کہ دنیا بھر میں نئی متعارف کرائی جانے والی لیگز کی وجہ سے بی بی ایل کو بھی اپنا طریقہ کار تبدیل کرنا پڑا ہے۔