لاہور: پاکستان اسپورٹس بورڈ نے ہاکی فیڈریشن کے معاملات چلانے کے لیے چار رکنی کمیٹی قائم کردی ہے۔

چار رکنی کمیٹی میں سابق صدر بریگیڈیئر ریٹائرڈ خالد سجاد کھوکھر اور اولمپیئنز ناصر علی سمیت اولمپیئنز ریحان بٹ شامل ہیں جبکہ خالد سجاد کھوکھر کو کمیٹی کا سربراہ بنایا گیا ہے۔

پاکستان اسپورٹس بورڈ کے ہاکی کوچ ارشد محمود بھی کمیٹی کے رکن ہوں گے جبکہ چار رکنی کمیٹی کا نوٹیفکیشن بھی جاری کردیا گیا ہے۔

نوٹیفکیشن کے مطابق کمیٹی 30 روز کے اندر ہاکی فیڈریشن کے انتخابات کروائے گی جبکہ کمیٹی  روزہ مرہ کے معاملات چلانے کے ساتھ ساتھ فیڈریشن کے امور بھی انجام دے گی۔

واضح رہے کہ فیڈریشن عہدیداروں کی مدت ختم ہونے کے بعد 15 جولائی کو پاکستان اسپورٹس بورڈ نے ہاکی فیڈریشن کو ڈی نوٹیفائی کرنے کا نوٹیفکیشن جاری کیا تھا۔