سری لنکا کے خلاف گال ٹیسٹ میں عبد اللہ شفیق کی شاندار پرفارمنس اور قومی ٹیم کی جیت پر آل راؤنڈر شاہد آفریدی نے بیان جاری کی ہے۔

قومی ٹیم کے سابق کپتان اور اسٹار آل راؤنڈر شاہد آفریدی نے سماجی رابطے کی ویب سائٹ ٹوئٹر ہر جاری بیان میں کہا کہ یہ ناقابل یقین ٹیسٹ میچ رہا جس میں عبداللہ شفیق کی شاندار کاکردگی ہمیشہ یاد رکھی جائے گی۔

اسٹار آل راؤنڈر شاہد آفریدی نے کہا کہ عبداللہ شفیق کی یہ اننگز انہیں ایک بڑا اسٹار بنائے گی۔

شاہد آفریدی نے اپنے ٹوئٹ میں مزید لکھا کہ پوری ٹیم اور میجمنٹ شاندار فتح پر مبارکباد کی مستحق ہے۔

یہ بھی پڑھیں: عبداللہ شفیق نے جاوید میانداد کا ریکارڈ توڑ دیا

قومی ٹیم کے سابق کپتان اور اسٹار آل راؤنڈر شاہد آفریدی نے کہا کہ سری لنکا کو بھی اچھا مقابلہ کرنے کا کریڈٹ جاتا ہے۔

میچ کے اختتام میں عبداللّٰہ شفیق نے کہا کہ اچھی بیٹنگ پر اللّٰہ کا شکر ادا کرتا ہوں، کامیابی سے ہدف حاصل کیا، ہماری ایک ہی حکمت عملی تھی کہ ہدف حاصل کرنا ہے

یہ بھی پڑھیں:گال ٹیسٹ: پاکستان نے سری لنکا کو 4 وکٹوں سے شکست دے دی

واضح رہے کہ پاکستان نے دو ٹیسٹ میچوں کی سیریز کے پہلے میچ میں سری لنکا کو دلچسپ مقابلے کے بعد 4 وکٹوں سے شکست دی، پاکستان کی جیت میں عبداللہ شفیق کی 408 گیندوں پر 160رنز کی اننگز نے اہم کردار ادا کیا اور عبداللہ شفیق میچ کے بہترین کھلاڑی بھی قرار پائے۔