کشمیر پریمئیر لیگ سیزن ٹو کے لیے کھلاڑیوں کی ڈرافٹنگ کی تقریب آج اسلام آباد میں منعقد کی جائے گی۔

تفصیلات کے مطابق کشمیر پریمئیر لیگ سیزن ٹو کا ایونٹ 10 اگست سے 25 اگست تک مظفرآباد میں ہو گا۔

کے پی ایل میں چھ ٹیمیں حصہ لیں گی، جن میں مظفرآباد ٹائیگرز، باغ اسٹالینز، راولا کوٹ ہاکس، اوور سیز وارئیرز ، میرپور ہاکس اور کوٹلی لائنز شامل ہیں۔

میڈیا رپورٹس کے مطابق مصباح الحق مظفرآباد ٹائیگرز کی کوچنگ کے فرائض انجام دیں گے، جبکہ محمد حفیظ، ارشد اقبال، ذیشان اشرف اور انور علی مظفرآباد ٹائیگرز کے اسکواڈ میں شامل ہیں۔

صہیب مقصود، عمران جونئیر اور عامر یامین گزشتہ سیزن کی طرح اس سیزن میں بھی باغ اسٹالینز کا اعتماد حاصل کرنے میں کامیاب رہے۔

مقامی میڈیا کے مطابق خالد عثمان، احسان علی ، خرم شہزاد  اور عرفان اللہ شاہ کے پی ایل کے دوسرے سیزن میں بھی کوٹلی لائنز سے کھیلنے کی امید لگائے بیٹھے ہیں۔

باغ اسٹالینز کی طرح راولا کوٹ فرنچائز نے آصف آفریدی، احمد شہزاد ، زمان خان اور حسین طلعت کے ساتھ ایونٹ میں شرکت کا فیصلہ کر لیا ہے، دوسری جانب میرپور ہاکس نے سلمان ارشاد ، محمد اخلاق اور ابرار احمد پر اعتماد کا فیصلہ کیا ہے۔

اوورسیز وارئیرز نے سہیل خان، کامران غلام اور اعظم خان کو دوسری مرتبہ فرنچائز کا حصہ بنانے کی خواہش کا اظہار کیا ہے۔