قومی فاسٹ بولر حسن علی کی اہلیہ سامعہ آرزو نے اپنے شوہر کے علاوہ دو پاکستانی کھلاڑیوں کے نام بتا دیے ہیں۔

گذشتہ روز پاکستان کرکٹ ٹیم کے فاسٹ بولر حسن علی کی 28 ویں سالگرہ منائی گئی جس میں ان کی اہلیہ سامعہ آرزو نے انہیں شاندار سرپرائز دیا۔

اس موقع پر سامعہ آزو نے حسن علی کی تصاویر والا خصوصی کیک بھی تیار کروایا اور اپنے انسٹاگرام اکاؤنٹ پر شوہر کے ہمراہ تصویر شیئر کرتے ہوئے  سالگرہ کی مبارکباد دی۔

تصاویر کو شیئر کرتے ہوئے سامعہ آرزو نے لکھا کہ تم میری زندگی کی روشنی ہو تم میرے لیے سب کچھ ہو۔

تاہم تقریب کے بعد انہوں نے انسٹاگرام پر سوال و جواب کا ایک سیشن بھی رکھا جس میں صارفین کی جانب سے ان سے طرح طرح کے سوال پوچھے گئے۔

ایک صارف نے سامعہ سے سوال کیا کہ ’آپ کا حسن علی کے علاوہ پاکستان ٹیم میں پسندیدہ کھلاڑی کون سا ہے؟

اس سوال کے جواب میں سامعہ کا کہنا تھا کہ ’قومی ٹیم کے کپتان بابر اعظم اور آل راؤنڈر شاداب خان‘ ان کے پسندیدہ کھلاڑی ہیں۔

دوسری جانب قومی فاسٹ بولر نے بھی سالگرہ کی تصاویر اپنے انسٹاگرام اکاؤںٹ پر شیئر کیں جس کو شیئر کرتے ہوئے ان کا کہنا تھا کہ ’آپ سب لوگوں کا شکریہ جنہوں نے مجھے کالز، مسجز کر کے سالگرہ کی مبارکباد پیش کیں‘۔

https://twitter.com/RealHa55an/status/1543325151496142848

انہوں نے مزید لکھا کہ آپ لوگوں کو اپنی زندگی میں دیکھ کر شکرگزار ہوں، اپنی اہلیہ کی جانب سے دیا گیا خوبصورت سرپرائز بہت پسند آیا۔