آسٹریلیا کے سابق کھلاڑی اور کینگروز کے کوچ جسٹن لینگر نے آسٹریلیا کے ایک اسپورٹس ٹی وی چینل پر کمنٹری کا معاہدہ کر لیا ہے۔ 

تفصیلات کے مطابق آسٹریلیا کے سابق کوچ جسٹن لینگر نے ایک نجی اسپورٹس چینل کی کمنٹری ٹیم جوائن کر لی ہے کیونکہ انہوں نے بگ بیش لیگ میں ہوبارٹ ہریکینز کی کوچنگ کا موقع ٹھکرا دیا تھا۔

لینگر کے قریبی دوست رکی پونٹنگ نے آسٹریلیا کے سابق ہیڈ کوچ کو حکمت عملی کا سربراہ مقرر کیے جانے کے بعد ہریکینز کے ساتھ کردار ادا کرنے کے لیے قائل کرنے کی کوشش کی تھی۔

لیکن پچھلے ہفتے اس بات کی تصدیق ہوئی تھی کہ لینگر نے بگ بیش لیگ میں پیشکش ٹھکرا دی تھی اور اس کے بجائے اسپورٹس چینل میں ماہر تجزیہ کار کا کردار ادا کرنے کا انتخاب کیا تھا۔

لینگر اس پہلو پر تبصرہ اور تجزیہ فراہم کرے گا جسے اس نے اتنے خوش آئند حالات میں چھوڑا تھا۔

بائیں ہاتھ کے اوپننگ بلے باز آسٹریلیا کی مینز ٹیم کی طویل مدت تک کوچنگ کرنا چاہتے تھے لیکن انہیں صرف چھ ماہ کی توسیع کی پیشکش کی گئی کیونکہ ان کے کھلاڑیوں اور عملے کے ساتھ تعلقات خراب ہو گئے تھے،

اس کے بعد انہوں نے کرکٹ آسٹریلیا کی جانب سے مختصر مدت میں توسیع لینے کے بجائے اپنے عہدے سے استعفیٰ دینے کا انتخاب کیا تھا۔

آسٹریلیا کا اگلا ٹیسٹ نومبر میں ہوگا جہاں اس کا مقابلہ ویسٹ انڈیز سے ہوگا۔ یہ ممکنہ طور پر کمنٹری میں لینگر کا ڈیبیو ہوگا۔