برمنگھم: کامن ویلتھ گیمز کے دستے میں شامل تین کھلاڑیوں کا کورونا ٹیسٹ مثبت آگیا ہے جس کے بعد انہیں قرنطینہ کردیا گیا ہے۔

خبر رساں ادارے کے مطابق برمنگھم پہنچنے والے دستے میں شامل دو ہاکی پیلئرز اور ایک سوئمر کا کورونا ٹیسٹ مثبت آگیا ہے۔

رپورٹ کے مطابق کورونا ٹیسٹ مثبت آنے کے بعد کھلاڑیوں کو آئسولیٹ کردیا گیا ہے۔

واضح رہے کہ کامن ویلتھ گیمز کی ویلکم تقریب آج منعقد ہوگی جبکہ افتتاحی تقریب 28 جولائی کو برمنگھم کے الیکزینڈا اسٹیڈیم میں ہوگی۔

دوسری جانب گیمز میں شرکت کیلئے پاکستان کی ہاکی، کرکٹ، باکسنگ، ٹیبل ٹینس، ایتھلیٹکس، اسکواش اور سوئمنگ کی ٹیمیں برمنگھم پہنچ گئی ہیں جبکہ پیرا ایتھلیٹ بھی برمنگھم پہنچ گئے ہیں۔

پاکستان اولمپک ایسوسی ایشن کے سیکریٹری جنرل محمد خالدمحمود نے کامن ویلتھ گیمز کیلئے برمنگھم میں بنائے گئے چاروں ولیجزکادورہ کیا جبکہ اس موقع پر انہوں نے مختلف ٹیموں کے کھلاڑیوں اور آفیشلزسے بھی ملاقات کی۔