جنوبی افریقہ کے آل راؤنڈر اوپنر ایندائل فلکوایو زخمی ہونے کے باعث انگلینڈ کے خلاف جاری ون ڈے سیریز کے آخری دو میچوں سے باہر ہو گئے ہیں۔

تفصیلات کے مطابق 26 سالہ آل راؤنڈر ایندائل فلکوایو انگلینڈ کے خلاف ون ڈے میچ کے دوران کپتان کیشو مہاراج سے ٹکرا گئے تھے۔

ٹیم انتظامیہ کے مطابق اوپنر میں چوٹ لگنے کے بعد صحت یابی کے عمل سے گزر رہے ہیں۔

جنوبی افریقہ کرکٹ بورڈ کے حکام نے بھی تصدیق کی کہ جنوبی افریقہ کے آل راؤنڈر ایندائل فلکوایو انگلینڈ کے خلاف ایک روزہ بین الاقوامی سیریز کے آخری دو میچوں سے محروم رہیں گے۔

Advertisement

#Proteas all-rounder Andile Phehlukwayo has been ruled out for the remainder ODI series against England due to concussion🤕#ENGvSA #BePartOfIt pic.twitter.com/VRJqZF0Ptd

— Proteas Men (@ProteasMenCSA) July 21, 2022

واضح رہے کہ انگلینڈ اور جنوبی افریقہ اس وقت تین میچوں کی ون ڈے سیریز میں حصہ لے رہے ہیں جس کا آغاز 19 جولائی کو ڈرہم میں ہوا تھا۔ سیریز کا دوسرا میچ 22 جولائی کو ایمریٹس اولڈ ٹریفورڈ مانچسٹر میں کھیلا جائے گا اور سیریز کا آخری میچ 24 جولائی کو لیڈز کے ہیڈنگلے اسٹیڈیم میں ہو گا۔

ایندائل فلکوایو میدان میں کپتان کیشو مہاراج سے اس وقت ٹکرا گئے جب ان کا سر کپتان کے کندھے پر لگا، جس کے نتیجے میں وہ زخمی ہو گئے تھے۔

ایندائل فلکوایو کی جگہ ڈوین پریٹوریئس پروٹیز اسکواڈ کا حصہ بن چکے ہیں، جو کنکشن کے متبادل کے طور پر بولنگ کر سکتے ہیں۔

جنوبی افریقہ کی ٹیم کے ڈاکٹر، ڈاکٹر ہشیندرا رامجی نے کہا کہ آل راؤنڈر میں بہتری کے آثار دکھائی دے رہے ہیں اور وہ بڑی تیزی سے صحتیاب ہو رہے ہیں۔

ڈاکٹر رامجی کا کہنا تھا کہ ایندائل فلکوایو چوٹ لگنے کے بعد گھبراہٹ کا شکار تھے ان  کی قریب سے نگرانی کی گئی اور اب اس میں بہتری کے آثار ظاہر ہوئے، اب وہ بحالی کے پروگرام کی جانب تیزی سے گامزن ہیں۔