جنوبی افریقہ نے دوسرے ٹی ٹوئنٹی میچ میں انگلینڈ کو 58 رنز سے شکست دے دی۔

کارڈف میں کھیلے گئے میچ  میں میزبان انگلینڈ نے ٹاس جیت کر جنوبی افریقہ کو پہلے بیٹنگ کرنے کی دعوت دی ۔

جنوبی افریقہ نے ریلی روسو کے ناقابل شکست 96  اور ریزا ہینڈرکس کے 53 رنز کی بدولت مقررہ 20 اوورز میں 3 وکٹوں کے نقصان پر 207 رنز بنائے۔

ہینرچ کلاسن 19 اور کوئنٹن ڈی کوک15 رنز بناکر آؤٹ ہوئے ٹرسٹان اسٹبس 1515 رنز بناکر ناٹ آؤٹ رہے۔

انگلینڈ کی جانب سے معین علی، رچرڈ گلیسن اور کرس جورڈن نے ایک ایک وکٹ حاصل کی۔

ہدف کے تعاقب میں انگلینڈ کی ٹیم 17ویں اوور میں 149 رنز بناکر آل آؤٹ ہوگئی۔

What a response from South Africa!

They level the #ENGvSA T20I series with a thumping victory 👏

Scorecard: https://www.bolnews.com/urdu/sports/2022/07/638464/amp/ pic.twitter.com/NUynsxFOU7

— ICC (@ICC) July 28, 2022

جونی بیئر اسٹو 30، کپتان جوز بٹلر 29، معین علی 28، جیسن روئے 20 اور لیونگ اسٹون 18 رنز بناکر آؤٹ ہوئے۔ ان کے علاوہ کوئی دیگر کھلاڑی ڈبل فیگرز میں داخل نہ ہوسکا۔

جنوبی افریقہ کی جانب سے تبریز شمسی اور ایندائل فیلکوایو نے 3،3 ، لنگی نگیدی نے 2 جبکہ کیشو مہاراج اور کگیسو ربادا  نے ایک ایک وکٹ حاصل کی۔

کئی سالوں بعد  انٹرنیشنل کرکٹ میں واپس آنے والے ریلی روسو کو ناقابل شکست 96 رنز کی اننگز کی کھیلنے پر میچ کا بہترین کھلاڑی قرار دیا گیا۔

دونوں ٹیموں کے مابین تین ٹی ٹوئنٹی میچز کی سیریز 1-1 سے برابر ہوگئی ہے ۔ سیریز کا فیصلہ کن میچ 31 جولائی کو کھیلا جائے گا۔