پاکستان جونیئر لیگ کا ٹیزر جاری کردیا گیا ہے جس میں بابراعظم سمیت حسن علی اور امام الحق بھی شامل ہیں۔

پاکستان جونیئر لیگ کی تیاریاں شروع ہوگئی ہیں جبکہ اس سلسلے میں پی سی بی نے لیگ کا ٹیزر اور لوگو بھی جاری کردیا ہے۔

Pakistan Junior League begins in October. Exciting times ahead!#Next11 #PJL pic.twitter.com/zv0vmaFyYZ

— Pakistan Junior League (@ThePJLofficial) July 3, 2022

لیگ کے ٹیزر میں کپتان بابر اعظم سمیت فاسٹ بولر حسن علی، اوپنر امام الحق اور فاسٹ بولر نسیم شاہ بھی موجود ہیں جبکہ اس ٹیزر کو لیگ کے آفیشل ٹوئٹر اکاؤنٹ سے شیئر کیا ہے۔

ٹیزر میں متحرک رنگوں کو دکھایا گیا ہے جوکہ خاص طور پر نوجوان کرکٹ شائقین کے لیے ڈیزائن کیا گیا ہے۔

دوسری جانب پاکستان جونیئر لیگ کا آفیشل لوگو بھی منظر عام پر آگیا ہے جس کو لیگ کے آفیشل اکاؤنٹ نے مائیکرو بلاگنگ سائٹ پر شیئر کیا ہے۔

Beginning of an era. Here’s the official logo of the Pakistan Junior League!#Next11 #PJL pic.twitter.com/DfqQQFzLlV

— Pakistan Junior League (@ThePJLofficial) July 3, 2022

واضح رہے کہ چیئرمین پی سی بی رمیز راجہ کا ڈریم پروجیکٹ پاکستان جونیئر لیگ کا پہلا سیزن رواں سال یکم اکتوبر سے شروع ہونے جارہا ہے جس میں ابتدائی طور پر 6 ٹیمیں حصہ لیں گی۔

جاوید میانداد کو لیگ کا مینٹور مقرر کیا گیا ہے جبکہ شاہد آفریدی، شعیب ملک اور ڈیرن سیمی کو ٹیموں کا مینٹور مقرر کردیا گیا ہے۔

پی سی بی نے چھ میں سے تین ٹیموں کے لیے غیر ملکی اسٹارز کو بطور مینٹور مقرر کرنے کا بھی فیصلہ کیا ہے لیکن ٹی ٹوئنٹی ورلڈ کپ سے قبل انعقاد کی وجہ سے غیر ملکی کھلاڑیوں کی خدمات حاصل کرنے میں چیلنجز کا سامنا ہے۔