قومی ٹیم کے کپتان بابر اعظم اسپورٹ اسپرٹ کا مظاہرہ کرتے ہوئے کوہلی کی حمایت میں میدان میں آگئے ہیں۔

پاکستان کرکٹ ٹیم کے آل فارمیٹ کپتان بابر اعظم نے بھارت کے سابق کپتان ویرات کوہلی کے ہمراہ اپنی تصویر مائیکرو بلاگنگ سائٹ پر شیئر کی ہے۔

This too shall pass. Stay strong. #ViratKohli pic.twitter.com/ozr7BFFgXt

— Babar Azam (@babarazam258) July 14, 2022

اس تصویر کو شیئر کرتے ہوئے انہوں نے ویرات کوہلی کو مشورہ دیتے ہوئے لکھا کہ ’یہ وقت بھی گزر جائے گا، مضبوط رہو‘۔

بابر اعظم کے اسپورٹ اسپرٹ کے مظاہرے کو صارفین نے خوب پسند کیا ہے جبکہ حمزہ نامی صارف کا کہنا تھا کہ ’زبردست سپورٹس مین شپ میرے کپتان‘۔

https://twitter.com/darknight56_/status/1547661476684369920

مغیز علی صارف نے لکھا کہ ’ کرکٹ نے آج پھر ہمیں جوڑ دیا ہے، شکریہ بابر اعظم آپ ایک عظیم کھلاڑی ثابت ہوئے، آپ کے لیے محبت اور احترام ہے میرے دل میں‘۔

https://twitter.com/mugheesali81/status/1547678264633700354

یاد رہے کہ گذشتہ روز بھارت نے ویسٹ انڈیز کے خلاف 18 رکنی ٹی ٹوئنٹی اسکواڈ کا اعلان کیا ہے جس میں آؤٹ آف فارم ویرات کوہلی کو ڈراپ کردیا گیا ہے۔

دوسری جانب بھارت کے سابق کپتان سنیل گواسکر نے بھی ویرات کوہلی کے حق میں بیان دیا ہے، ان کا کہنا تھا کہ لوگ ویرات کوہلی کے خلاف متعصب ہیں جبکہ روہت شرما کی فارم پر کوئی بات نہیں کرتا۔

ان کا کہنا تھا کہ فارم عارضی ہے اور کلاس مستقل ہے، آپ صرف ویرات کوہلی کے بارے میں کیوں بات کر رہے ہیں جبکہ روہت شرما بھی آؤٹ آف فارم ہیں۔