زمبابوے نے ٹی ٹوئنٹی سیریز کے پہلے میچ میں بنگلہ دیش کو 17 رنز سے شکست دے کر سیریز میں برتری حاصل کر لی۔

تفصیلات کے مطابق زمبابوے کے تجربہ کار بیٹسمین سکندر رضا اور ویسلی مادھویرے کی شاندار بیٹنگ کی بدولت ہرارے میں بنگلہ دیش کو شکست کا سامنا کرنا پڑا۔

زمبابوے نے پہلے بیٹنگ کرتے ہوئے 3 وکٹوں کے نقصان پر 205 رنز بنائے، پاکستانی نژاد سکندر رضا نے 26 گیندوں پر 65 رنز ناٹ آؤٹ بنائے ان کی اس دھواں دھار اننگ میں 4 چھکے اور 7 چوکے شامل تھے۔

مادھویرے اپنے کیریئر کے بہترین ٹی ٹوئنٹی سکور 73 کو بہتر کرنے کے قریب تھے جب آخری اوور میں زخمی ہونے پر ریٹائر ہونے پر مجبور ہو گئے انہوں نے 67 رنز کی شراکت کی۔

 بنگلہ دیش کی ٹیم جو اپنے اسٹار کھلاڑیوں سے محروم تھی مگر پھر بھی ہدف کے تعاقب میں اچھا اسکور کرنے میں کامیاب ہوئی، مہمان ٹیم نے 6 وکٹوں کے نقصان پر 188 رنز بنائے.

بنگلہ دیش کو اپنی باؤلنگ اور فیلڈنگ میں مشکلات کا سامنا کرنا پڑا، اور فتح کا تعاقب کرتے ہوئے زمبابوے کے رن ریٹ سے 10.25 سے پیچھے رہا۔

وکٹ کیپر اور اسٹینڈ ان کپتان نور الحسن نے 26 گیندوں پر 4 چھکے اور ایک چوکا لگا کر سب سے زیادہ 42 رنز بنائے۔

یہ زمبابوے کی لگاتار چھٹی فتح تھی جب سے سابق بیٹنگ اسٹار ڈیو ہیوٹن نے جون میں قومی کوچ کے طور پر دوسرا عہدہ شروع کیا اس کے برعکس بنگلہ دیش کے لیے آخری 14 ٹی ٹوئنٹی بین الاقوامی میچوں میں 13ویں شکست تھی۔