آسٹریلوی ٹیسٹ کرکٹ ٹیم کے قائد پیٹ کمنز نے کہا کہ پاکستان اور سری لنکا کا ٹور بھارت میں ٹیم کے کام آئے گا۔

تفصیلات کے مطابق آسٹریلوی ٹیم اس وقت سری لنکا میں موجود ہے اور ٹیسٹ سیریز جیتنے کے قریب ہے۔

کپتان پیٹ کمنز کا خیال ہے کہ برصغیر کے حالات کا سامنا اگلے سال بھارت میں ٹیسٹ سیریز جیتنے کے ان کے اگلے بڑے ہدف کے لیے اچھا ہے۔

انگلینڈ کے خلاف ٹیم کی ایشز جیت کے فوراً بعد کمنز نے اعلان کیا تھا کہ اگر آسٹریلیا کو میں ٹاپ ٹیسٹ ٹیم بننا ہے تو اسے ایشیا میں کامیاب ہونا چاہیے۔

کمنز کی ٹیم نے دورہ سری لنکا سے قبل پاکستان میں فتح کے ذریعے جواب دیا جہاں انہوں نے ابتدائی ٹیسٹ 10 وکٹوں سے جیت کر دو میچوں کی سیریز میں 1-0 کی برتری حاصل کی تھی۔

پاکستان میں بے جان وکٹوں میں کامیابی حاصل کرنے کے بعد، آسٹریلیا نے ثابت کر دیا کہ سری لنکا کی تیز موڑ والی پچز پر کامیابی کے لیے ان کے پاس جو کچھ ہونا چاہیئے وہ موجود ہے۔

کمنز کو توقع ہے کہ یہ تجربہ کارآمد ہو گا جب آسٹریلیا فروری تا مارچ میں بھارت کے خلاف کھیلے گا۔

پیٹ کمنز نے کہا کہ آسٹریلوی اسکواڈ کے پاس اس وقت بہترین اسکواڈ موجود ہے، جن میں ٹریوس ہیڈ، کیم گرین، الیکس کیری، مارنس لبوشین شامل ہیں جنہیں ایشین پچز کا تجربہ ہو چکا ہے۔

آسٹریلوی قائد کے مطابق ہمارے پاس اگلے سال بھارت میں ایک بڑی سیریز ہے، لہذا یہ واقعی ہمارے بلے بازوں کی نشوونما اور تیزی سے ٹریک کرنے میں مدد کر سکتا ہے۔

پیٹ کمنز کا ماننا ہے کہ اگر آپ دنیا کی نمبر ایک ٹیسٹ ٹیم بننا چاہتے ہیں تو آپ کو بیرون ملک جیتنا ہو گا۔

یہ صرف بلے باز ہی نہیں جو بھارت کا سامنا کرنے سے پہلے قیمتی سبق سیکھیں گے۔

کمنز نے پاکستان میں ٹیسٹ ڈیبیو کرنے والے لیگ اسپنر مچل ویپسن کے بارے میں کہا کہ وہ بھی اس طرح کی وکٹوں پر نہیں کھیلا ہے، لہذا آپ ان دوروں سے بہت کچھ سیکھتے ہیں۔

کپتان پیٹ کمنز کے مطابق خوش قسمتی سے، ہم جیتنے کے ساتھ ہی سیکھ رہے ہوں گے۔ یہ اس ماحول کا حصہ ہے جسے ہم بنانے کی کوشش کر رہے ہیں.

واضح رہے کہ آسٹریلیا کو بیرون ملک مسلسل ٹیسٹ سیریز جیتنے کے لیے جمعہ سے گال میں ہونے والے دوسرے ٹیسٹ میں ڈرا کی ضرورت ہے۔