گال ٹیسٹ میں سری لنکا کے خلاف پاکستانی کرکٹ ٹیم کے کپتان کی شاندار اننگز پر سابق کھلاڑی بھی تعریف کیے بغیر نہیں رہ سکے۔

پاکستان کرکٹ ٹیم کے سابق کپتان شاہد آفریدی نے بابر اعظم کی بیٹنگ کی تعریف میں کہا کہ بابرنے ایک مرتبہ پھر ثابت کیا کہ یہ ورلڈ کلاس بیٹر ہیں۔

اپنے ٹوئٹ میں شاہد آفریدی کا کہنا تھا کہ بابر اعظم نے دباؤ میں عمدہ بیٹنگ کی جس میں نسیم شاہ نے اچھا ساتھ دیا، جس کی وجہ سے پاکستان میچ میں واپس آگیا۔

Babar once again proving his stature with an extraordinary innings under immense pressure! Great support by Naseem, Pakistan right back in the match. Shaheen and the rest of the bowlers have it in them to restrict SL to low total and setup a win. Great game to watch! https://www.bolnews.com/urdu/sports/2022/07/889987/amp/

Advertisement

— Shahid Afridi (@SAfridiOfficial) July 17, 2022

اس کے علاوہ گال سے جاری بیان میں کوچ محمد یوسف کا کہنا تھا کہ بابر اعظم نے دباؤ میں اچھی اننگز کھیلی، جس انداز میں ٹیل اینڈرز کو لے کر چلے وہ قابل تعریف ہے۔

پاکستانی کرکٹ ٹیم کے سابق کپتان اور کوچ کا کہنا تھا کہ کافی عرصے بعد بھرپور جذبے کے ساتھ کھیلی گئی اننگز دیکھی، نسیم شاہ بھی بہت جذبے سے کھیل رہے تھے۔

یہ بھی پڑھیں: ٹیم کو اس طرح کی اننگز کی ضرورت تھی،کپتان بابر اعظم

پاکستانی بیٹنگ کوچ کا مزید کہنا تھا کہ پانچ آؤٹ ہونے کے بعد ڈریسنگ روم سے کوئی پیغام نہیں بھیجا، بابر کپتان ہے مسیج بھیجنا اچھی بات نہیں ہے۔

اُنہوں نے کہا کہ کوشش کریں گے کہ دوسری اننگز میں سری لنکا کو جلد از جلد آؤٹ کریں۔

جبکہ قومی کرکٹ ٹیم کی سابق کپتان وسیم اکرام کا کہنا تھا کہ  بابر اعظم نے ایک بار پھر ثابت کر دیا وہ ہرکنڈیشن میں رنز بنا سکتے ہیں۔

What a knock by @babarazam258! I am sure this is one of many knocks to come that will transform him from one of the greats to one of the greatest.. a captain’s knock and showed how he can conquer bowling in the toughest conditions… proud of you boy! #PAKvsSRI

— Wasim Akram (@wasimakramlive) July 17, 2022

انہوں نے کہا کہ مجھے  یقین ہے کہ بابر مستقبل میں بھی اسی طرح کھیلتے رہیں گے، گال ٹیسٹ کی اننگز ان میں سے ایک ہے جو بابر کو عظیم کھلاڑی کی فہرست سے نکال کر عظیم تر کھلاڑی بنائی گی۔

علاوہ ازیں شاداب خان نے بھی بابر اعظم کی گزشتہ روز کی تصویر شیئر کی ہے۔

https://twitter.com/76Shadabkhan/status/1548653492516044801?cxt=HHwWgoCy2a6J9v0qAAAA

واضح رہے کہ گزشتہ روز گال ٹیسٹ میں قومی کرکٹ ٹیم کے کپتان بابر اعظم نے 10 ہزار انٹرنیشنل رنزکا اعزاز 228 اننگز میں حاصل کیا۔

یہ بھی پڑھیں: بابر اعظم نے ایک اور ریکارڈ اپنے نام کر لیا

قومی ٹیم 218 رنز بنا کر پویلین لوٹی جس کے بعد قومی کرکٹ ٹیم کے کپتان بابر اعظم نے ایک یادگار اننگز کھیل کر ٹیم کو بڑے خسارے سے بھی بچایا تھا، اس اننگز میں انہوں نے اپنے ٹیسٹ کیریئر کی 7 ویں سنچری بھی بنائی۔