سیریز سے قبل وارم اپ میچ میں سری لنکن الیون نے پاکستانی بولنگ اٹیک کا ڈٹ کا مقابلہ کیا اور 5 وکٹوں کے نقصان پر 278 رنز بنا لیے

تفصیلات کے مطابق کولٹس کرکٹ کلب گراؤنڈ میں کھیلے جا رہے تین روزہ وارم اپ کے دوسرے دن جب سٹمپ ہٹائے گئے تو سری لنکا کرکٹ الیون کی پانچ وکٹیں باقی تھیں اور وہ پاکستان سے 45 رنز سے پیچھے تھا۔

پاکستان کی جانب سے محمد نواز نے مخالف ٹیم کے کپتان نپن داننجایا اور وکٹ کیپر لہیرو اڑانا کی وکٹیں حاصل کیں جبکہ یاسر شاہ، نسیم شاہ اور سلمان علی آغا نے ایک ایک وکٹ حاصل کی۔

میزبانوں کو سدیرا سماراویکراما اور نوانیڈو فرنینڈو نے 91 اور 78 کے اسکور کے ساتھ ٹھوس آغاز فراہم کیا۔

اس سے قبل پاکستان کی ٹیم وارم اپ میچ کے پہلے دن پہلے سیشن میں 323 پر آل آؤٹ ہو گئی۔

سلمان نے 43 رنز پر اپنی اننگز کا دوبارہ آغاز کرتے ہوئے 79 گیندوں پر 55 رنز بنا کر اننگز کی دوسری نصف سنچری بنائی۔ ان کے ساتھی سعود شکیل 30 رنز پر ریٹائر ہوئے۔

میچ کا زیادہ سے زیادہ فائدہ اٹھانے اور اسکواڈ کے تمام کھلاڑیوں کو میچ کا زیادہ سے زیادہ وقت فراہم کرنے کے لیے، پاکستان کے تمام 18 کھلاڑی میچ میں شامل ہوں گے۔

پاکستان آئی سی سی ورلڈ ٹیسٹ چیمپئن شپ کے دو میچوں میں میزبان ٹیم کے ساتھ کھیلنے کے لیے سری لنکا میں ہے۔

پہلا ٹیسٹ 16 سے 20 جولائی تک گال میں کھیلا جائے گا جبکہ دوسرا ٹیسٹ 24 تا 28 تک کھیلا جائے گا۔

ٹیسٹ سیریز کے دونوں میچزمہمان سری لنکا کے خلاف آر پریماداسا انٹرنیشنل اسٹیڈیم کولمبو میں کھیلے جائیں گے۔

واضح رہے کہ سری لنکا میں معاشی بحران کے باعث گزشتہ چند دنوں سے بدامنی کا شکار ہے اور وارم اپ میچ سے قبل پاکستانی ٹیم نے ہوٹل میں وقت گزارا۔