آسٹریلیا کے لیجنڈری آف اسپنر نیتھن لیون نے ٹیسٹ کرکٹ میں بڑا سنگ میل عبور کرلیا۔

نیتھن لیون  ٹیسٹ کرکٹ میں سب سے زیادہ وکٹیں حاصل کرنے والوں  کی ٹاپ ٹین فہرست میں جگہ بنالی۔

وہ سری لنکا کے  متھیا مرلی دھرن، اپنے ہم وطن شین وارن، بھارت کے انیل کمبلے اور روی چندرن ایشون  کے بعد اس فہرست میں شامل ہونے والے پانچویں اسپنر بن گئے ہیں۔

انہوں نے بھارت کے کپل دیو کی 434 وکٹوں کا ریکارڈ توڑتے ہوئے اس فہرست میں جگہ بنائی۔

نیتھن لیون سری لنکا کے خلاف گال ٹیسٹ میں 9 وکٹیں حاصل کرکے اپنی مجموعی وکٹوں کی تعداد 436 کرلی ہے اور وہ جنوبی افریقا کے ڈیل اسٹین سے 3 وکٹ اور بھارت کے روی چندرن ایشون سے صرف 6 وکٹوں کے فاصلے پر ہیں۔

Truly a great of the game 👊

Just nine bowlers stand above Nathan Lyon on the all-time Test wickets list after Australia's #WTC23 victory over Sri Lanka 👀https://www.bolnews.com/urdu/sports/2022/07/951592/amp/

— ICC (@ICC) July 1, 2022

یاد رہے کہ  نیتھن لیون نے 2011 میں ٹیسٹ ڈیبیو سری لنکا کے خلاف گال میں ہی کیا تھا۔

وہ 109  ٹیسٹ میچز میں 436 وکٹیں حاصل کرچکے ہیں جس میں 3 مرتبہ میچ میں 10 وکٹیں اور 20 مرتبہ اننگ میں 5 وکٹیں حاصل کرچکے ہیں۔

فرسٹ کلاس کرکٹ میں نیتھن لیون کی وکٹوں کی تعداد 664   ہے۔

واضح رہے کہ ٹیسٹ کرکٹ میں سب سے زیادہ 800 وکٹیں مرلی دھرن نے حاصل کررکھی ہیں۔دوسرے نمبر پر 708 وکٹوں کے ساتھ آسٹریلیا  کے شین وارن موجود ہیں۔

تیسرے نمبر پر 653 وکٹوں کے ساتھ انگلینڈ کے جیمز اینڈرسن موجود ہیں، چوتھے نمبر پر 619 وکٹوں کے ساتھ بھارت کے انیل کمبلےاور پانچویں نمبر پر 563 وکٹوں کے ساتھ آسٹریلیا کے گلین میک گرا موجود ہیں۔

چھٹے نمبر پر 549 وکٹوں کےس اتھ انگلینڈ کے اسٹورٹ براڈ، ساتویں نمبر پر 519 وکٹوں کے ساتھ ویسٹ انڈیز کے کورٹنی والش ، آٹھویں نمبر پر 442 وکٹوں کے ساتھ بھارت کے روی چندرن ایشون اور نویں نمبر پر 439 وکٹوں کے ساتھ جنوبی افریقا کے ڈیل اسٹین موجود ہیں۔

Advertisement

Nathan Lyon joins the elusive top-10 club 🙌#SLvAUS | #WTC23 pic.twitter.com/kblO1tzphX

— ICC (@ICC) July 1, 2022

اس فہرست میں سے جیمز اینڈرسن، اسٹورٹ براڈ،  روی چندرن ایشون اور نیتھن لیون کے ہمراہ باقی تمام ریٹائر ہوچکے ہیں۔