برمنگھم: ویٹ لفٹنگ کے 81 کے جی کیٹیگری میں پاکستانی ویسٹ لفٹر حیدر علی ناکام ہوگئے۔

تفصیلات کے مطابق برمنگھم میں جاری پاکستان کے حیدر علی نے کامن ویلتھ گیمز 2022 میں ویٹ لفٹنگ ایونٹ کی 81 کلوگرام کیٹیگری میں مجموعی طور پر 305 کلوگرام وزن اٹھا کر پانچویں پوزیشن حاصل کی۔

حیدر نے اسنیچ میں اپنی پہلی کوشش میں 135 کلو وزن اٹھاتے ہوئے اچھی شروعات کی۔ پراعتماد پاکستانی ویٹ لفٹر نے اس کے بعد اپنی پوزیشن مضبوط بنانے کے لیے 140 کلو وزن اٹھانے کا فیصلہ کیا، لیکن وہ اگلی دو کوششوں میں ایسا کرنے میں ناکام رہے۔

حیدر علی کے آؤٹ ہونے کے بعد ویٹ لفٹنگ میں 3 اگست کو نوح بٹ اور ہنزلا دستگیر ایکشن میں ہوں گے۔

ویٹ لفٹر نوح بٹ 109 پلس کے جی میں حصہ لے رہے ہیں جبکہ ہنزلا دستگیر 109 کے جی میں ایکشن میں ہوں گے۔