کامن ویلتھ گیمز میں اپنی شاندار کارکردگی کی وجہ سے آسٹریلوی ایتھلیٹس سب پر بازی لے گئے۔

تفصیلات کے مطابق آسٹریلوی ایتھلیٹس اب تک مختلف ایونٹ میں مجموعی طور پر 71  میڈلز جیت کر سب سے آگے ہیں، جس میں 31 سونے، 20 چاندی اور 20 کانسی کے تمغے شامل ہیں۔

کامن ویلتھ گیمز میں میزبان انگلینڈ 54 میڈلز کے ساتھ دوسرے اور نیوزی لینڈ 24 میڈلز لے کر تیسرے نمبر پر ہے، نیوزی لینڈ نے 13 گولڈ میڈلز بھی حاصل کئے ہیں۔

واضح رہے کہ پاکستان ایونٹ میں اب تک کوئی تمغہ حاصل نہیں کرسکا، البتہ اسکواش اور باکسنگ میں پاکستانی ایتھلیٹس کی کارکردگی اچھی ہے جبکہ باکسنگ کی فیدر ویٹ کیٹگری میں پاکستان کے الیاس کوارٹر فائنل میں پہنچ گئے ہیں۔