پاکستان میں پہلی مرتبہ خواتین نیزہ بازی ٹیم بین الاقوامی چیمپئن شپ  کے لیے اردن روانہ ہوگئی ۔

تفصیلات کے مطابق رواں برس بین الاقوامی ٹینٹ پیگنگ چیمپئن شپ کا انعقاد 22 سے 24 ستمبر تک اردن کے شہر پیڑا میں ہورہا ہے۔

https://cdnurdu.bolnews.com/urdu/wp-content/uploads/2022/09/WhatsApp-Video-2022-09-20-at-6.27.52-PM.mp4?_=3

 پاکستان کی تاریخ میں پہلی بار خواتین نیزہ بازی ٹیم انٹرنیشنل چیمپئن شپ میں شرکت کرے گی۔

ٹیم کے کوچ ہارون کا کہنا ہے کہ پاکستان کی تاریخ میں پہلی بار خواتین کی قومی ٹیم اوپن ٹرائل کے ذریعے منتخب ہوئی ہے ۔

انہوں نے مزید کہا کہ  ٹیم کا انتخاب ایکوسٹرین فیڈریشن آف پاکستان کے زیر اہتمام اوپن ٹرائلز کے بعد کیا گیا ہے۔

صدر ای ایف پی صاحبزادہ سلطان کا کہنا تھا کہ پاکستان ویمن ٹیم پہلی بار کسی بڑے انٹرنیشنل ایونٹ میں شرکت کررہی ہے، امید ہے  اچھا پرفارم کرے گی۔

https://cdnurdu.bolnews.com/urdu/wp-content/uploads/2022/09/WhatsApp-Video-2022-09-20-at-6.27.51-PM.mp4?_=4

صاحبزادہ سلطان کا مزید کہنا تھا کہ پاکستانی خواتین کی ٹینٹ پیگنگ ٹیم جنوبی افریقہ  کا تربیتی دورہ کرچکی ہے تاہم ویمن ٹینٹ پیگنگ ٹیم کا یہ پہلا بڑا ایونٹ ہے۔