انگلینڈ کی خواتین کرکٹ ٹیم کی کپتان ہیتھ نائٹ نے بھارتی ٹیم پر الزام لگایا ہے کہ انہوں نے ’ منکڈ ‘ رن آؤٹ پر جھوٹ بولا ہے۔

تفصیلات کے مطابق بھارت اور انگلینڈ کے مابین تیسرے ایک روزہ بین الاقوامی میچ کے دوران بھارتی کھلاڑی دیپتی شرما نے انگلش بیٹسمین چارلی ڈین کو متنازعہ ’ منکڈ ‘ رن آؤٹ کیا تھا۔

دیپتی شرما نے رن آؤٹ کے حوالے سے کہا کہ انہوں بارہا بیٹسمین کو خبردار کیا تھا اور انہوں نے ایسا کوئی غلط نہیں کیا ہے۔

واضح رہے کہ ہوم سائیڈ ہفتہ کو لارڈز میں فتح کا تعاقب کر رہی تھی جب بھارتی گیند باز دیپتی شرما نے ڈین کو آؤٹ کر دیا، جو اپنی کریز سے باہر تھیں۔

کرکٹ کے قوانین کے تحت نان اسٹرائیکر بیک اپ کو رن آؤٹ کرنے کی اجازت ہے لیکن طویل عرصے سے کھیل کے اندر بہت سے لوگوں کی طرف سے اسے غیر اخلاقی کے طور پر سمجھا جاتا ہے۔

یاد رہے کہ آؤٹ کرنے کا یہ نادر طریقہ بھارتی آل راؤنڈر ونو مانکڈ کے نام پر رکھا گیا ہے، جنہوں نے 1948 میں آسٹریلوی بلے باز بل براؤن کو رن آؤٹ کیا۔

بھارت نے اس میچ میں انگلینڈ کے خلاف 16 رنز کی جیت پر مہر ثبت کی، اور سیریز میں 3-0 سے وائٹ واش مکمل کیا لیکن اس متنازعہ رن آؤٹ کی وجہ سے دونوں ٹیموں میں اب بھی تناؤ برقرار ہے

دیپتی شرما نے کہا کہ انگلش بیٹسمین کو بارہا خبردار کیا تھا، ہم نے امپائر کو بھی آگاہ کیا تھا۔

دوسری جانب دیپتی شرما کے تبصروں کے جواب میں ٹویٹ کرتے ہوئے، نائٹ نے تسلیم کیا کہ ڈین کو جائز طریقے سے آؤٹ کیا گیا تھا لیکن انہوں نے پیشگی وارننگ نہیں دی۔

ہیتھ نائٹ نے کہا کہ اگر وہ رن آؤٹ کو متاثر کرنے کے فیصلے سے راضی ہیں تو بھارت کو انتباہات کے بارے میں جھوٹ بول کر اس کا جواز پیش کرنے کی ضرورت محسوس نہیں کرنی چاہئے۔