پاکستان کرکٹ ٹیم کے سابق کپتان محمد حفیظ نے انگلینڈ کے خلاف چھٹے ٹی ٹوئنٹی میچ میں ٹیم انتظامیہ کی جانب سے اسپنر ابرار احمد کو موقع نہ دینے پر مایوسی کا اظہار کیا ہے۔

قومی ٹیم کے 23 سالہ کھلاڑی ابرار احمد انگلینڈ کے خلاف جاری ٹی ٹوئنٹی سیریز میں 18 رکنی اسکواڈ کا حصہ ہیں لیکن انہیں ابھی ٹیم میں کھیلنے کا موقع نہیں ملا ہے۔

محمد حفیظ کا خیال ہے کہ ابرار احمد کو کم از کم چار میچز میں ضرور کھلانا چاہیے تھا تاہم انہوں نے نوجوان کرکٹر کو محنت جاری رکھنے کا مشورہ دیا ہے۔

محمد حفیظ نے مائیکرو بلاگنگ سائٹ پر ٹوئٹ کرتے ہوئے اسپنر ابرار احمد کو نہ کھلانے پر افسوس کا اظہار کیا ہے۔

Feeling sorry for Abrar Ahmed ( mystery spinner ) not to have a game so far in this series #PakvsEngland2022. He should have given four games in this series to showcase his bowling talent but….. keep working hard young man pic.twitter.com/qcT1HDLEu0

Advertisement

— Mohammad Hafeez (@MHafeez22) September 30, 2022

انہوں نے لکھا کہ ’ابرار احمد کو اس سیریز میں کم از کم چار میچز میں اپنی بولنگ کی صلاحیتیں دکھانے کا موقع ملنا چاہیے تھا لیکن نوجوان آدمی محنت کرتے رہو‘۔

واضح رہے کہ ابرار احمد اب تک 17 ٹی ٹوئنٹی میچز کھیل چکے ہیں جس میں انہوں نے 7.63 کی اکنامی سے 19 وکٹیں حاصل کی ہیں۔