آج ایشیا کپ 2022 میں پاکستان اور بھارت کی ٹیمیں ایک بار پھر مدمقابل ہونگی۔

 قومی کرکٹ ٹیم بڑے میچ میں نئے عزم کے ساتھ روایتی حریف کو شکست دینے کیلئے آج پھر میدان میں اترے گی۔

میچ پاکستانی وقت کے مطابق شام 7 بجے دبئی انٹرنیشنل سٹیڈیم میں شروع ہوگا۔

جوشیلے انداز کے مالک فاسٹ بولر شاہنواز دھانی انجری کا شکار ہونے کے بعد آج بھارت کے خلاف میچ میں ٹیم کا حصہ نہیں ہونگے جو کہ بابر الیون کیلئے بڑا جھٹکا ہے، ان کی جگہ محمد حسنین یا حسن علی کو ٹیم میں شامل کیا جائے گا۔

Advertisement

More injury news for Pakistan ahead of their crucial #AsiaCup2022 Super Four match against India 👇https://www.bolnews.com/urdu/sports/2022/09/627763/amp/

— ICC (@ICC) September 4, 2022

شائقین کا کہنا ہے کہ  ہانگ کانگ سے فتح کے بعد ٹیم میں اعتماد آگیا ، آج کا میچ ہی نہیں ایشیا کپ بھی پاکستان ہی جیتے گا ۔

یاد رہے کہ گروپ سٹیج پر بھارت نے دلچسپ مقابلے کے بعد پاکستان کیخلا ف میچ آخری اوور میں جیتا تھا۔

قومی ٹیم 7 ستمبر کو افغانستان کیخلاف میچ کھیلے گی، فائنل 11 ستمبر کو سپر فور کی دو ٹاپ ٹیموں کے درمیان دبئی میں کھیلا جائے گا۔