پاکستان کے سابق کپتان انضمام الحق نے بھارتی ٹیم کے ایشیا کپ میں سفر سے متعلق اہم پیش گوئی کردی۔

ایشیا کپ کے سپر فور مرحلے کے اپنے پہلے میچ میں بھارت کو پاکستان کے ہاتھوں شکست کا سامنا کرنا پڑا تھا اور اب آج اس کا مقابلہ سری لنکا سے ہونا ہے۔

ایونٹ کی دوسری کمزور ترین حریف سمجھی جانے والی سری لنکن ٹیم میں یوں تو بڑے نام شامل نہیں ہیں لیکن گزشتہ دو میچز میں ان کی پرفارمنس بہت شاندار رہی ہے ۔

سری لنکا نے گروپ مرحلے میں افغانستان اور بنگلادیش کو ناک آؤٹ کرکے سپر فور مرحلے میں رسائی حاصل کی۔

انضمام الحق کا کہنا ہے کہ آج سری لنکن ٹیم بھارت کو شکست دے کر ایشیا کپ سے باہر کرسکتی ہے۔

انہوں نے کہا کہ پاکستان  کے خلاف میچ میں بھارتی کپتان  روہت شرما کافی پریشر میں نظر آئے اور پاکستان سے شکست کے بعد سری لنکا کے ساتھ میچ میں بھی ان پر اب پریشر ہوگا۔