بھارتی کرکٹ بورڈ (بی سی سی آئی) نے ٹیم کو پاکستان  بھیجنے سے انکار کردیا۔

تفصیلات کے مطابق  بھارتی بورڈ کا ایشیا کپ 2023 میں شرکت کے لیے ٹیم کو پاکستان بھیجنے سے متعلق ممبئی میں اجلاس ہوا۔

بھارتی بورڈ کے اجلاس میں فیصلہ کیا گیا کہ ٹیم کو پاکستان نہیں بھیجا جائے گا۔

بھارتی بورڈ نے ایشیا کپ 2023 کو پاکستان سے نیوٹرل مقام پر شفٹ  کرنے کا بھی مطالبہ کیا۔

دوسری جانب ایشین کرکٹ کونسل کے صدر نے دعویٰ کیا ہے کہ  ایشیاء کپ 2023 نیوٹرل وینیو پر کروایا جائے گا ۔

واضح رہے کہ چند روز قبل بھارتی میڈیا نے دعویٰ کیا تھا کہ بھارتی کرکٹ بورڈ ٹیم کو پاکستان بھیجنے کے لیے تیار ہے تاہم فیصلے کو حکومت کی منظوری سے مشروط رکھا گیا تھا۔