ٹی ٹوئنٹی ورلڈ کپ کے پہلے مرحلے کے پہلے میچ میں نمیبیا نے سری لنکا کو اپ سیٹ شکست دے دی ہے۔

گولنگ کے اسٹیڈیم میں ٹی ٹوئنٹی ورلڈ کپ کے پہلے مرحلے کا پہلا میچ سری لنکا اور نمیبیا کی ٹیموں کے درمیان کھیلا گیا جس میں سری لنکا کو اپ سیٹ شکست کا سامنا کرنا پڑا۔

اس میچ پر تبصرہ کرتے ہوئے بھارت کے لیجنڈری بلے باز سچن ٹنڈولکر کا کہنا تھا کہ نمیبیا نے آج دنیائے کرکٹ کو بتادیا ہے کہ ’نام یاد رکھنا‘۔

Namibia 🇳🇦 has told the cricketing world today… “Nam” yaad rakhna! 👏🏻

— Sachin Tendulkar (@sachin_rt) October 16, 2022

واضح رہے کہ اس میچ میں سری لنکا نے ٹاس جیت کر پہلے فیلڈنگ کرنے کا فیصلہ کیا، نمیبیا نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 163 رنز اسکور کیے۔

سری لنکا کی ٹیم 164 رنز کے ہدف کے تعاقب میں صرف 108 رنز ہی بنا سکی اور پوری ٹیم 19 ویں اوور میں ہی آؤٹ ہوگئی۔