پاکستان کے ابھرتے ہوئے آل راؤنڈر محمد وسیم جونیئر نے نیدر لینڈز کے خلاف ٹی ٹوئنٹی ورلڈ کپ کے سپر 12 مرحلے کے میچ میں پاکستان کے ٹاپ بولرز کو بھی پیچھے چھوڑ دیا ہے۔

نیدر لینڈز کے خلاف دو وکٹیں لینے والے بولر محمد وسیم جونیئر نے ٹی ٹوئنٹی فارمیٹ میں 13.5 کے اسٹرائیک ریٹ کے ساتھ پاکستان کا بہترین بولنگ اسٹرائیک ریٹ کا ریکارڈ اپنے نام کرلیا ہے۔

Best bowling strike-rate for Pakistan in T20Is:

(min 30 wkts)

Advertisement

𝟭𝟯.𝟱 – 𝗠𝗼𝗵𝗮𝗺𝗺𝗮𝗱 𝗪𝗮𝘀𝗶𝗺
14.1 – Umar Gul
16.7 – Haris Rauf
16.8 – Saeed Ajmal
16.9 – Hasan Ali#T20WorldCup | #Pakistan | #PAKvNED pic.twitter.com/WTyljHeU7E

— Grassroots Cricket (@grassrootscric) October 30, 2022

اس کارنامے کے ساتھ ساتھ انہوں نے سابق فاسٹ بولر عمر گل، حسن علی اور حارث رؤف سمیت اسپنر سعید اجمل کو بھی پیچھے چھوڑ دیا ہے۔

واضح رہے کہ آج ٹی ٹوئنٹی ورلڈ کپ کے سپر 12 مرحلے کے میچ میں پاکستان نے نیدر لینڈز کو 6 وکٹوں سے شکست دی تھی جب کہ اس کامیابی کا سہرا پاکستانی بولرز کو جاتا ہے۔

پاکستانی بولرز نے اس میچ میں تباہ کن بولنگ کے باعث نیدر لینڈز کو 91 رنز تک محدود رکھا جب کہ پاکستانی اوپنر محمد رضوان نے ذمہ دارانہ بیٹنگ کرتے ہوئے 49 رنز کی اننگز کھیلی۔

پاکستان ٹیم ٹی ٹوئنٹی ورلڈ کپ میں اب تک 3 میچز کھیل چکی ہے جس میں سے انہیں صرف ایک میچ میں کامیابی نصیب ہوئی جب کہ بھارت اور زمبابوے سے شکست کا سامنا کرنا پڑا۔

خیال رہے کہ قومی ٹیم کے ٹی ٹوئنٹی ورلڈ کپ میں اب بھی دو میچز ہونا باقی ہیں تاہم سیمی فائنل میں کوالیفائی کرنا اب بھی مشکل نظر آرہا ہے۔

پاکستان 3 نومبر کو اپنے چوتھے میچ میں جنوبی افریقہ کے خلاف مدمقابل ہوگا جب کہ 6 نومبر کو بنگلادیش کے خلاف سپر 12 مرحلے کا آخری میچ کھیلے گا۔