قومی ٹیم کے فاسٹ بولر شاہین آفریدی کو ٹی ٹوئنٹی ورلڈ کپ میں زمبابوے کے خلاف آرام دیے جانے کا امکان ہے۔

آسٹریلیا میں ٹی ٹوئنٹی ورلڈ کپ جاری ہے جس میں قومی ٹیم کا مقابلہ  جمعرات کو زمبابوے کے خلاف ہوگا۔

Shaheen Shah Afridi Likely To be Rested Against Zimbabwe.
(Source – BBN Sports)

— Maham Fatima (@MahamOfficial_2) October 25, 2022

میڈیا رپورٹس کے مطابق اس میچ میں شاہین آفریدی کو آرام دیے جانے کا امکان ہے۔

واضح رہے کہ قومی ٹیم نے ٹی ٹوئنٹی ورلڈ کپ میں اپنی مہم کا آغاز روایتی حریف بھارت سے کیا جس میں انہیں 4 وکٹوں سے شکست کا سامنا کرنا پڑا تھا۔

اس میچ میں شاہین آفریدی کو بھی کھلایا گیا تھا لیکن انجری سے صحتیاب ہونے کے بعد ان کی کاکردگی کافی مایوس کن رہی۔

شاہین آفریدی نے بھارت کے خلاف 4 اوورز کروائے جس میں کوئی وکٹ حاصل نہ کرسکے جب کہ انہوں نے 34 رنز بھی دیے تھے۔

یہ بھی پڑھیں: شاہین آفریدی نے افغان بلے باز کو اسپتال پہنچادیا

انہوں نے بھارت کے خلاف پھنسے ہوئے میچ میں اٹھارہواں اوور بھی کروایا تھا جس میں انہوں نے 3 چوکے کھانے کے ساتھ ساتھ 17 رنز دیے تھے۔

خیال رہے کہ قومی فاسٹ بولر نے گھٹنے کی انجری سے صحتیاب ہونے کے بعد ٹی ٹوئنٹی ورلڈ کپ میں تین ماہ بعد انٹرنیشنل کرکٹ میں واپسی کی ہے۔