پلیر ڈرافٹنگ کا حتمی فیصلہ پیر کو پاکستان کرکٹ بورڈ کے دفاتر میں قرعہ اندازی کے ذریعے کیا گیا جس میں 6 فرنچائائزز کے نمائندوں نے شرکت کی۔

پاکستان سپر لیگ (پی ایس ایل) 8 میں لاہور قلندرز پلیئر ڈرافٹنگ میں کھلاڑیوں کا پہلا انتخاب کرے گی جب کہ دوسرے نمبر پر کوئٹہ گلیڈی ایٹرز اور تیسرے نمبر پر ملتان سلطانز کھلاڑیوں کو منتخب کریں گے۔

🚨 HBL PSL 8 Draft pick order 🚨

Read more: https://www.bolnews.com/urdu/sports/2022/10/507775/amp/ #HBLPSLDraft pic.twitter.com/lsthkuE4mm

— PakistanSuperLeague (@thePSLt20) October 31, 2022

چوتھے نمبر پر کراچی کنگز اور پانچویں نمبر ملتان سلطانز کھلاڑیوں کا انتخاب کریں گے جب کہ چھٹے نمبر پر پشاور زلمی کی باری آئے گی۔

پی ایس ایل 8 کے لیے 17 میچز کا فیصلہ ایک خصوصی شماریاتی ٹول کے ذریعے کیا جائے گا۔

پی ای ایل 8 کے ڈائریکٹر عثمان واہلہ کا کہنا ہے کہ ہم نے اپنے فلیگ شپ ایونٹ کے لیے چھوٹے سنگ میل طے کیے ہیں اور ایچ بی ایل پی ایس ایل 2023 کے لیے پک آرڈران اہداف میں سے ایک تھا۔

انہوں نے کہا کہ اب ٹیموں کے پاس اپنی باری پر کھلاڑیوں کو انتخاب کرنے کا موقع ہوگا جب کہ غیر ملکی کھلاڑیوں کے لیے رجسٹریشن ونڈو بھی کھلی ہوئی ہے جس پر ہمیں حوصلہ افزا ردعمل مل رہا ہے جو اس بات کا ثبوت ہے کہ ٹاپ کھلاڑی کتنی بے تابی سے اس کا حصہ بننا چاہتے ہیں۔

عثمان واہلہ کہتے ہیں کہ اگلے سال کا ایونٹ چار مقامات پر منعقد کیا جائے گا جس میں کراچی، لاہور، راولپنڈی اور ملتان شامل ہیں۔

انہوں نے مزید کہا کہ ہم اس ایونٹ کو نہ صرف اس کے قد اور شہرت کے مطابق پیش کرنے کے لیے انتہائی محنت کررہے ہیں بلکہ ایونٹ کے قد کو بڑھانے کے لیے مزید اقدامات بھی کیے ہیں۔

ایچ بی ایل پی ایس ایل 2023 کی پلیئر ڈرافٹنگ کی تفصیلات کا اعلان وقت پر کیا جائے گا۔