کرائسٹ چرچ: پاکستانی فاسٹ بولر شاہ نواز دھانی کی نیوزی لینڈ میں پرندوں کو کھانا کھلانے کی ویڈیو وائرل ہورہی ہے۔

پاکستان کرکٹ ٹیم کے فاسٹ بولر شاہ نواز دھانی ان دنوں سہ فریقی سیریز کے لیے نیوزی لینڈ میں موجود ہیں۔ جہاں وہ اپنی بولنگ سے مخالف ٹیم کے چھکے چھڑا رہے ہیں۔

قومی فاسٹ بولر نے نیوزی لینڈ سے اپنی تصویر اور ویڈیو شیئر کی جس میں انہیں پرندوں کو کھانا کھلاتے ہوئے دیکھا جاسکتا ہے۔

Saying Salam, giving a smile & sharing food are basics of Happines. Stay humble & be happy❤️🙏. pic.twitter.com/FEZYjR465b

— Shahnawaz Dahani (@ShahnawazDahani) October 9, 2022

اس ویڈیو کو شیئر کرتے ہوئے شاہ نواز دھانی نے لکھا کہ ’سب کو سلام، مسکراہٹ دینا اور کھانا بانٹنا خوشی کی بنیادی باتیں ہیں۔ عاجزی سے رہیں اور خوش رہیں‘۔

واضح رہے کہ شاہ نواز دھانی نے سہ فریقی سیریز کے پہلے میچ بنگلادیش کے خلاف 4 اوورز میں 24 رنز دے کر ایک وکٹ حاصل کی تھی۔

دوسرے میچ میں نیوزی لینڈ کے خلاف انہوں نے 3 اوورز میں 22 رنز دے کر ایک وکٹ حاصل کی ہے جب کہ ٹی ٹوئنٹی انٹرنیشنل میں ان کی مجموعی 8 وکٹیں ہوگئی ہیں۔