آئی ایل ٹی ٹوئنٹی کے پہلے سیزن میں اسمارٹ  گیند متعارف کرانے کافیصلہ کیا گیا ہے۔

تفصیلات کے مطابق آئی ایل ٹی ٹوئنٹی اپنے افتتاحی سیشن میں اسمارٹ گیند متعارف کرارہا ہے۔

اسمارٹ  گیند آئی ایل ٹی ٹوئنٹی کو بروقت اور گہرائی کے ساتھ تجزیہ کرنے میں مدد فراہم کرے گی۔

اسمارٹ گیند میں ایک آئی او ٹی ڈیوائس لگائی گئی ہے جو مختلف آلات اور پورٹلز، ٹیکنالوجی، مواصلات  اور کلاؤڈ کے درمیان رابطے کا کام کرتی ہے۔

مختلف ڈیٹا پوائنٹس جیسے گیند کی رفتار، بلے بازسے ٹکرانے کے بعد گیند کا فاصلہ، بلے سے ٹکرانے جیسے اعدادوشمار کو اکٹھا کرتی ہے۔

یہ اعدادوشمار بلوٹوتھ کی مدد سے منتقل کیے جائیں گے یوں ٹورنامنٹ کے دوران میچ پر تجزیہ کرنے میں سہولت رہے گی۔

یوں یہ ٹورنامنٹ کی کمنٹری، فرنچائز اور اعدادوشمار جمع کرنے والوں سب سے کے لیے مفید رہے گا۔

  امارات کرکٹ بورڈ کے جنرل سیکریٹری مبشرعثمانی نے اسمارٹ گیند متعارف کرانے کے بارے میں کہا کہ ٹیکنالوجی تیزی سے ترقی کررہی ہے، یہ ہماری ذمہ داری ہے کہ ہم وقت کے ساتھ رہیں۔ اختراع آئی ایل ٹی ٹوئنٹی کی بنیادی اقدار میں سے ایک ہے ہمیں پہلے سیزن میں اسمارٹ گیند متعارف کرانے میں خوشی ہورہی ہے۔

سابق ٹیسٹ کرکٹر وسیم اکرم نے اس موقع پر کہا کہ  یہ کچھ نیا ہے، کچھ دلچسپ ہے، کچھ مفید ہے۔ ایک بولر کی حیثیت سے  آپ اندازہ لگاسکتے ہیں کہ گیند کس طرح سوئنگ کرے گی یا کس  خاص پچ پر ردعمل دے گی اس ٹیکنالوجی کی مدد آپ اس کا جائزہ لے سکتے ہیں اور اگلے میچ کو بہتر بناسکتے ہیں۔

انہوں نے مزید کہا کہ ایک کمنٹیٹر کی حیثیت سے میں سوئنگ، پچ سے رفتار اور ہوا میں گھماؤ دیکھتا ہوں۔ یہ ٹیکنالوجی نئی ہے اور اس سے بہت مدد ملے گی۔